आनंदाच्या उत्सवावर काळाचा घाला

मिळालेल्या माहितीनुसार, आज रंगपंचमीचा सण असल्याने फुटाळा गावात सकाळपासूनच उत्साहाचे वातावरण होते. अबालवृद्धांनी एकमेकांवर रंगांची उधळण करत सणाचा आनंद लुटला. दुपारच्या सुमारास अंगावरचा रंग काढण्यासाठी सागर आणि प्रणय या दोन्ही भावंडांनी गावच्या तलावात आंघोळीला जाण्याचा बेत आखला. मात्र, हा बेत त्यांच्या जीवावर बेतेल याची पुसटशी कल्पनाही कोणाला नव्हती.

पाण्याचा अंदाज चुकला अन् घात झाला

दुपारच्या कडक उन्हात दोन्ही मुले तलावात उतरली. आंघोळ करत असताना खेळता खेळता ते तलावाच्या खोल भागात गेले. पाण्याचा अंदाज न आल्याने दोघेही गटांगळ्या खाऊ लागले. एकमेकांना वाचवण्याच्या प्रयत्नात दोन्ही कोवळ्या जीवांचा पाण्यात गुदमरून अंत झाला. काठावर असलेल्या काही लोकांच्या ही बाब लक्षात येईपर्यंत उशीर झाला होता.

Chhagan Bhujbal : ‘अजितदादांचं विमान झाडावर आदळल्याचं आश्चर्य वाटलं’; तपासातील झाडाच्या थेअरीवर छगन भुजबळांना शंका

गावात पसरली शोककळा

ही घटना वाऱ्यासारखी गावात पसरताच ग्रामस्थांनी तलावाकडे धाव घेतली. घटनेची माहिती मिळताच डुग्गीपार पोलीस स्टेशनचे अधिकारी तातडीने घटनास्थळी दाखल झाले. स्थानिक तरुणांच्या मदतीने दोन्ही मुलांचे मृतदेह पाण्याबाहेर काढण्यात आले. आपल्या घरातील दोन चिमुकल्यांचे मृतदेह पाहून पालकांनी केलेला आक्रोश उपस्थितांचे काळीज पिळवटून टाकणारा होता. पोलिसांनी मृतदेह शवविच्छेदनासाठी ग्रामीण रुग्णालयात पाठवले असून, आकस्मिक मृत्यूची नोंद केली आहे.

Pm Narendra Modi: पीएम मोदींच्या YouTube चॅनेलला 30 मिलियन सबस्क्राइबर्स, जागतिक पातळीवर डिजिटल कनेक्टचा विक्रम

रंगांच्या या उत्सवात दोन सख्ख्या भावांचा असा दुर्दैवी अंत झाल्याने फुटाळा गावातील चुली आज पेटल्या नाहीत. प्रशासनाने नागरिकांना आवाहन केले आहे की, सणासुदीच्या काळात जलाशयांच्या ठिकाणी जाताना विशेष खबरदारी घ्यावी.