‘अभ्यास कर, मोबाईल वापरू नको’, म्हणताच…

मोहोळ पोलीस ठाण्यात या आत्महत्येबाबत नोंद करण्यात आली आहे. मोहोळ तालुक्यातील पेनुर गावात एक कुटुंब राहतं. आत्महत्या केलेल्या मुलाचे वडील हे शेतकरी आहेत.1 मार्च रोजी सायंकाळी 7 वाजण्यापूर्वी घरात मुलाने ‘मला मोबाईल का दिला नाही?, असं म्हणत वाद घातला. ‘अभ्यास कर, मोबाईल वापरू नको’, असं घरच्यांनी त्याला बजावलं. आपल्याला मोबाईल दिला नाही म्हणून रागाच्या भरात तो खोलीत गेला. आपल्याला मोबाईल वापरायला का दिला नाही? म्हणून 13 वर्षीय मुलाने राहत्या घरातील पत्र्याच्या लोखंडी अँगलला साडीच्या साह्याने गळफास लावून घेतला.
Mumbai-Pune Expresswayला नवा पर्याय, उरण-कर्जत-शिरूर महामार्गासाठी अखेर हालचाली; 1200 कोटींचा खर्च अपेक्षित

गळफास घेत आयुष्य संपवलं

रागाच्या भरात मुलाने आतल्या खोलीत जाऊन आतून कडी लावून घेतली. बराच वेळ झाला मुलगा काही बाहेर येईना. त्यामुळे कुटुबीयांचा संशय बळावला. कुटुंबातील सदस्यांनी लोखंडी रॉडच्या साहाय्याने कडी तोडून खोलीत प्रवेश केला असता समोर मुलाने गळफास घेतल्याचं निदर्शनास आलं. त्यानंतर मुलाला खाली उतरवण्यात आलं आणि तात्काळ पेनुर येथील खासगी रुग्णालयात दाखल केलं. मोहोळ येथील शासकीय रुग्णालयात उपचारासाठी आणले असता डॉक्टरांनी तपासून त्याचा उपचारापूर्वीच मृत्यू झाल्याचं सांगितलं. 13 वर्षीय लेकाच्या मृत्यूमुळे कुटुंबीयांना मोठा धक्का बसला.
Ahilyanagar Accident : मित्राला सोडून परतताना काळाची झडप, रस्ता क्रॉस करताना ट्रकने चिरडलं; बाईकवरच दोघांचा करुण अंत

अख्खं गाव हळहळला

आबा दत्तात्रय डोके यांनी मोहोळ पोलीस ठाण्यात माहिती दिली असून आकस्मिक मृत्यूची नोंद करण्यात आली आहे. अधिक तपास पोलीस कॉन्स्टेबल नाळे करीत आहेत. 13 वर्षांच्या मुलाने मोबाईल दिला नाही म्हणून आत्महत्या केल्याच्या घटनेमुळे गावात हळहळ व्यक्त केली जात आहे. 13 वर्षांच्या मुलाच्या जाण्यानं अख्खं गाव रडलं.