नियंत्रण कक्ष सुरू

जिल्हाधिकारी डॉ. श्रीकृष्ण पांचाळ यांनी माहिती देताना सांगितले की, ठाणे जिल्ह्यातील अनेक कुटुंबांचे सदस्य इराण किंवा इस्रायलमध्ये नोकरी, व्यवसाय अथवा शिक्षणानिमित्त वास्तव्यास आहेत. सद्यस्थितीत त्या देशांतील घडामोडींमुळे त्यांच्या सुरक्षिततेबाबत कुटुंबीयांमध्ये अस्वस्थता निर्माण झाली आहे. ही परिस्थिती लक्षात घेऊन प्रशासनाने तातडीने नियंत्रण कक्ष सुरू केला आहे.

अफवांवर विश्वास ठेवू नका

नागरिकांनी कोणतीही अफवा पसरवू नये किंवा अप्रमाणित माहितीवर विश्वास ठेवू नये, असे आवाहन प्रशासनाने केले आहे. परदेशात असलेल्या व्यक्तींबाबत माहिती हवी असल्यास संबंधितांनी थेट नियंत्रण कक्षाशी संपर्क साधावा. प्राप्त झालेल्या चौकशीची नोंद घेऊन मंत्रालयातील राज्य आपत्कालीन संचालन केंद्राशी समन्वय साधला जाईल. त्यानंतर संबंधित भारतीय दूतावासांमार्फत आवश्यक माहिती मिळवून ती संबंधित कुटुंबीयांना कळविण्यात येणार आहे.

Nagpur Crime: ‘माझ्या बहिणीला मेसेज का पाठवलेस?’ जाब विचारत दोन गटात राडा, 17 वर्षीय तरुणाला संपवलं, दोघे गंभीर जखमी

आपत्कालीन यंत्रणा सज्ज

संकटसमयी नागरिकांच्या मदतीसाठी प्रशासन कटिबद्ध असून कोणतीही आपत्कालीन परिस्थिती उद्भवल्यास तत्काळ प्रतिसाद देण्यासाठी यंत्रणा सज्ज ठेवण्यात आली आहे. जिल्हाधिकारी कार्यालय, ठाणे पोलीस नियंत्रण कक्ष तसेच मंत्रालय नियंत्रण कक्षाचे दूरध्वनी क्रमांक जाहीर करण्यात आले असून नागरिकांनी गरज भासल्यास त्वरित संपर्क साधावा, असे आवाहन करण्यात आले आहे. इराण–इराक तणावाच्या पार्श्वभूमीवर ठाणे प्रशासनाची ही तत्परता नागरिकांसाठी दिलासादायक ठरत आहे.

Dubai Attack: आमच्या हॉटेलच्या शेजारी स्फोट झालाय, आम्हाला लवकर घरी न्या; घाबरलेल्या मराठी पर्यटकांची सरकारला आर्त हाक

दरम्यान, इराण- इस्रायल यांच्यातील हल्ले आता वाढताना दिसत आहेत. या युद्धजन्य परिस्थितीने इराणमधील २०० हून अधिक नागरिकांचा मृत्यू झाला आहे. त्यामध्ये सर्वोच्च नेते अयातुल्ला खामेनी यांचाही मृत्यू झाला आहे. एवढचं नाही तर त्यांच्या जागी नेमण्यात आलेले नवे सर्वोच्च नेते अलीरेजा अराफी यांचाही हल्ल्यामध्ये मृत्यू झाल्याची माहिती समोर आली आहे.