जय पवार यांची पोस्ट काय?

“माझ्या वडिलांना आपण गमावलं, ही वेदना आयुष्यभर साथ देणार आहे. या व्हिडिओमध्ये व्हीएसआर कंपनीचे मालक रोहित सिंह हे मुख्य पायलटच्या सीटवर उड्डाणादरम्यान झोपलेले दिसत आहेत. आकाशात असताना असा निष्काळजीपणा असू शकत नाही. हे अत्यंत गंभीर आणि धक्कादायक आहे” असं जय पवार यांनी लिहिलं आहे.
Rajyasabha Election : राज्यसभेच्या सातही जागांवर उमेदवार उतरवा, अमित शाहांच्या थेट सूचना, अतिरिक्त 20 मतांसाठी महायुतीची जुळवाजुळव
“मी डीजीसीएला ठामपणे मागणी करतो, की या प्रकरणात तात्काळ कठोर कारवाई व्हावी. संपूर्ण चौकशी होईपर्यंत व्हीएसआरची सर्व विमाने तात्काळ ग्राउंड करण्यात यावी, रोहित सिंह यांना त्वरित अटक करून कठोर कायदेशीर कारवाई करण्यात यावी.” अशी आग्रही मागणी जय पवार यांनी केली आहे.”ही एका मुलाची आर्त हाक आहे, माझ्या वडिलांसाठी आणि प्रत्येक प्रवाशाच्या सुरक्षिततेसाठी” अशी भावनिक सादही जय पवारांनी घातली आहे.
Ajit Pawar : अजितदादांचं विमान जमिनीवर आदळताच पायलटचे शेवटचे शब्द काय? AAIB च्या 22 पानी अहवालात माहिती समोर

पाहा व्हिडिओ :

‘पार्थ-जय’कडून पहाटेच पाहणी

बारामती असो, की पुण्यात भल्या पहाटे अधिकारी, कर्मचारी, पदाधिकाऱ्यांसह विकासकामांची पाहणी करणे हा अजितदादांचा नेहमीचाच शिरस्ता; परंतु महिन्यापूर्वी दादांच्या झालेल्या अपघाती निधनानंतर विकास कामांची पाहणी असो, की मॅरेथॉन बैठका हे सगळे काही थांबले आहे. त्यामुळे दादांची उणीव सातत्याने बारामतीकरांना जाणवत आहे. त्याचवेळी पार्थ आणि जय पवार यांनी रविवारी भल्या पहाटेच बारामतीतील विकासकामांची पाहणी केली. दोघांच्या पहाटेच्या पाहणीची दिवसभर बारामतीत चर्चा रंगली होती.