स्थानिक पोलिसांना खबर नाही

रविवारी दुपारी सुमारे 2 वाजताच्या सुमारास डीआरआयच्या तीन स्वतंत्र पथकांनी अमरावतीत गुप्तपणे प्रवेश करत संबंधित इमारतीला घेराव घातला. कोणतीही चाहूल न देता फ्लॅटमध्ये छापा टाकण्यात आला. विशेष म्हणजे, एवढ्या मोठ्या कारवाईची तसूभरही माहिती स्थानिक अमरावती पोलिसांना नव्हती. छापा टाकल्यानंतर न्यायवैद्यक प्रयोगशाळेच्या (एफएसएल) पथकाला घटनास्थळी बोलावण्यात आले, तेव्हाच पोलिसांना या गुप्त कारवाईचा सुगावा लागला.
छाप्यात जप्त करण्यात आलेले एमडी ड्रग्ज तसेच काही संशयितांना डीआरआयच्या पथकाने थेट नवसारी परिसरातील जीएसटी भवनात नेले. तेथे रात्री उशिरापर्यंत चौकशी आणि कागदोपत्री कारवाई सुरू होती. ही संपूर्ण प्रक्रिया अत्यंत गोपनीय ठेवण्यात आली असून जीएसटी भवनाला सुरक्षा देण्यात आली. कोणालाही आत प्रवेश करण्यास मज्जाव करण्यात आला होता. मात्र, या कारवाईत नेमके किती आरोपी ताब्यात घेण्यात आले, याबाबत अधिकृत माहिती अद्याप समोर आलेली नाही.

कस्टम ड्युटी चोरीवर करडी नजर

डीआरआय हा केंद्र सरकारच्या अर्थ मंत्रालयाच्या अखत्यारितील अत्यंत संवेदनशील गुप्तचर विभाग असून अमली पदार्थ, सोने-चांदी तस्करी, विदेशी चलन व्यवहार आणि कस्टम ड्युटी चोरीवर या विभागाची करडी नजर असते. नागपूर येथील डीआरआयचे उपसंचालक गौरव मेश्राम यांच्या नेतृत्वाखाली ही धडक कारवाई करण्यात आल्याचे समजते. अमरावती पोलिसांना पूर्णपणे अलिप्त ठेवून ही कारवाई करण्यात आल्याने शहरातील कायदा-सुव्यवस्था यंत्रणेत चर्चेला उधाण आले आहे.

नागपूरच्या शाळेत अमानुषतेचा कळस!

शिक्षण हे विद्यार्थ्यांच्या उज्ज्वल भवितव्याचा पाया मानले जाते. शाळा म्हणजे ज्ञान, संस्कार आणि सुरक्षिततेचे मंदिर असते. मात्र नागपूर शहरातून समोर आलेल्या एका धक्कादायक घटनेने या संकल्पनेलाच तडा दिला आहे. सातवीत शिकणाऱ्या १३ वर्षीय अल्पवयीन विद्यार्थिनीला किरकोळ कारणावरून शिक्षिका आणि शाळेच्या मुख्याध्यापकांनी बेदम मारहाण केल्याचा गंभीर आरोप समोर आला असून, या घटनेमुळे संपूर्ण शिक्षण व्यवस्थेवर प्रश्नचिन्ह उपस्थित झाले आहे.