Marathi Live News: महापालिकेतील सत्तास्थापनेचा पहिला आणि अत्यंत महत्त्वाचा टप्पा मानल्या जाणाऱ्या महापौरपदाच्या आरक्षणासाठी आज, गुरुवारी मंत्रालयात सोडत काढली जाणार आहे. पहिल्या अडीच वर्षांच्या कालावधीसाठी ही सोडत असणार आहे. आरक्षण स्पष्ट होताच महापालिकेतील सत्तास्थापनेच्या हालचालींना वेग येण्याची शक्यता आहे. राज्यातील सर्वाधिक प्रतिष्ठेच्या मुंबई महापौरपदाच्या सोडतीकडे सर्वांचे लक्ष लागले आहे. दरम्यान, महापालिका निवडणुकांनंतर सत्ता, विविध समित्यांचे अध्यक्षपद आणि सदस्यांचे गणित जुळवण्यासाठी मुंबई महानगरातील महापालिकांमध्ये फोडाफोडीचे राजकारण सुरू असतानाच, बुधवारी शिवसेना (उबाठा) पक्षालाही एक धक्का बसला आहे.