राहिल अकिल शेख (वय १९, रा. सोमजी, कोंढवा), शाहीद शानूर मोमीन (वय २५, रा. कात्रज), रोहन नईम शेख (वय १९, रा. कोंढवा बु.), इशान निसार शेख (वय २५, रा. कात्रज) अशी अटक केलेल्यांची नावे आहेत.

काय घडलं नेमकं?

याबाबत एका तरुणाने कोंढवा पोलिस ठाण्यात तक्रार दिली आहे. पोलिसांनी दिलेल्या माहितीनुसार, तक्रारदार २७ वर्षीय तरुण नगर रस्त्यावरील वाघोली परिसरात राहतो. तो ११ जानेवारीला मोबाइलवर एक डेटिंग ॲप पाहत असताना एका अनोळखी व्यक्तीने त्याला मेसेज पाठविला. त्यानंतर तक्रारदाराने त्या व्यक्तीच्या मोबाइलवर संपर्क साधला.

‘कोठे राहतो,’ अशी विचारणा आरोपीने केली. यानंतर आरोपीने रात्री नऊच्या सुमारास कोंढव्यातील शीतल पेट्रोल पंपाजवळ भेटायला बोलावले. तेथे तीन तरुण थांबले होते. त्यांनी तक्रारदाराला धारदार हत्याराचा धाक दाखविला. त्यानंतर कोंढव्यातील पानसरेनगर परिसरातील मोकळ्या जागेत त्याला नेले. तेथे त्याला शिवीगाळ करून लाथाबुक्क्यांनी मारहाण करण्यात आली.
Supriya Thakur : होय, मी माझ्या बायकोचा जीव घेतला, पण खून नाही केला… नवऱ्याचा शब्दांचा खेळ, सुप्रिया ठाकूरसोबत काय घडलं?
आरोपींनी त्याच्याकडील मोबाइल आणि अंगठी काढून घेतली; तसेच धमकावून एटीएममधून पैसे काढण्यास भाग पाडले. तक्रारदाराकडील एकूण सुमारे ८० हजार रुपयांचा ऐवज लुटण्यात आला. या घटनेची वाच्यता केल्यास जीवे मारण्याची धमकी देऊन आरोपी पसार झाले होते. पोलिसांनी तपास करून आरोपींना अटक केली.
Telangana Honeytrap : बायकोने 100 हून अधिक पुरुषांना जाळ्यात ओढलं, घरी बोलावून अश्लील चाळे, नवऱ्याकडून शूट करत ब्लॅकमेल, अखेर अटकेत

पाच दुचाकींची शहरातून चोरी

दुसरीकडे, छत्रपती संभाजीनगर शहरातून पाच दुचाकींची चोरी झाली. नीलेश बबनराव चोरमारे (वय २९, रा. उस्मानपुरा), तसेच रोहित गणेश यादव (वय २३, रा. रांजणगाव शेणपुंजी, दत्तनगर), कलीम सलीम सय्यद (वय ३७, रा. गांधेली, बीडबायपास) यांच्या दुचाकी वेगवेगळ्या भागातून चोरण्यात आल्या, तसेच गजानन दत्तराव माने आणि अन्वय अशोक पाटील यांच्या दुचाकी सातारा परिसरातील परिजात अपार्टमेंटच्या पार्किंगमधून चोरण्यात आल्या.
दोन दिवस रजा, बॉसने तरुणीचे आठवड्याभराचे Lunch Break रद्द केले, महिला कर्मचाऱ्याचा टोकाचा निर्णय
या वाहन चोरीच्या प्रकरणात संबंधित पोलिस ठाण्यांत गुन्हा दाखल करण्यात आला आहे. दरम्यान, शहरात होणाऱ्या दुचाकींच्या चोऱ्यांमुळे नागरिक त्रस्त असून, पोलिसांनी लक्ष घालून उपाय योजन्याची मागणी होत आहे.