घरची परिस्थिती हलाखीची, त्यात शरीराची साथ अपुरी अशा वेळी अनेक जण नशिबाला दोष देत बसतात; पण त्या वेगळ्या आहेत. त्या रस्त्यावर उतरतात, हातात फूड डीलिव्हरीची पिशवी घेतात आणि आपल्या चाकांवरून प्रगतीचा वेग मोजतात.

Nashik Crime : ‘भंडाऱ्याचा प्रसाद घरी का आणला?’, दोघांमध्ये कडाक्याचं भांडण, संतापात बहिणीसमोर लहान भावाने मोठ्याला संपवलं
अर्चना खराटे यांची घरची परिस्थिती हलाखीची असून, नवरा माळीकाम करतो. नवऱ्याला जेव्हा काम मिळते, तेव्हाच घरचा गाडा पुढे सरकतो. हा आर्थिक भार कमी करावा, या भावनेने अर्चना खराटे यांनी कापड दुकानात, भांड्यांच्या दुकानात काम केले. मात्र, अपंगत्वामुळे कामावर मर्यादा येऊ लागल्या. कोणीही काम सोडण्यास सांगितले नाही; मात्र आपण जितका पगार घेतो तितके आउटपुट देऊ शकत नाही, असे वाटल्याने त्यांनी स्वतःचे काही तरी करण्याचा निर्णय घेतला.

लग्नानंतर काही वर्षांत त्यांना अपंगत्व आले. शिक्षण सातवीपर्यंत असल्याने नोकरीच्या संधी मर्यादित राहिल्या. महापालिकेत टपरीसाठी अर्ज केला, मात्र जागा मिळू शकली नाही. एका संस्थेने त्यांना व्हीलचेअर दिली. ती मिळाल्याने आपल्याला पंख मिळाल्याची भावना निर्माण झाली. आपण मुलांचा सांभाळ करून फूड डीलिव्हरी करू शकतो, असा विश्वास त्यांना मिळाला.

Nashik Bribe Case: नाशिकमधील दोन ‘पीएसआय’वर गुन्हा; जामिनासाठी मागितली दोन लाखांची लाच, नेमकं प्रकरण काय?
टोमण्यांनी न खचता जगण्याची लढाई
आज अर्चना खराटे यांना चांगली कमाई होत आहे. सकाळी मुलगा-मुलीची तयारी करून त्यांना शाळेत पाठवून दुपारी तीन वाजता त्या कामाला निघतात. कॉलेज रोड, गंगापूर रोड परिसरातील ग्राहकांना फूड डीलिव्हरी करतात. सायंकाळी सातपर्यंत त्या काम करतात. दिवसाकाठी पाचशे ते सातशे रुपये कमाई होते. यातून घराचा खर्च भागतो. काही लोक घरापर्यंत डीलिव्हरी करता येत नाही म्हणून हिणवतात.