कोणत्या स्थानकांवर नव्या मार्गिका?

रेल्वे टर्मिनसमधील क्षमता वाढवण्यासाठी मुंबई सेंट्रल, वांद्रे टर्मिनस येथे नव्या मार्गिका उभारण्यात येत आहेत. त्याचबरोबर वापरात असलेल्या मार्गावरील फलाटांची लांबीदेखील वाढवण्याचे काम सुरू आहे. जोगेश्वरी, वसई रोड येथे नवे टर्मिनस उभारणीचे काम अंतिम टप्प्यात आहे. वांद्रे टर्मिनसमध्ये तीन देखभाल मार्गिका होत्या. प्रवासी गाड्यांची वाढती मागणी लक्षात घेता तीन नव्या मार्गिका उभारण्यात आल्या आहेत. त्यांवर रेल्वेगाड्या धुण्याची सुविधादेखील उपलब्ध आहे.Western Railway: नवीन वर्षात मुंबईतील रेल्वे प्रवाशांना खास भेट, राजधानी- शताब्दीला मिळणार अतिरिक्त AC कोच; किती नवे डबे जोडणार?

काय आहेत वैशिष्ट्ये?

या मार्गिकांची लांबी 540 मीटर असून, त्या 24 डब्यांच्या प्रवासी गाड्यांसाठी उपयुक्त आहेत. एलएचबी अर्थात लिंके हॉफमन बुश आणि आयसीएफ बनावटीसह अन्य सर्व प्रकारच्या डब्यांच्या देखभालीची व्यवस्था येथे असल्याचे मुख्य जनसंपर्क अधिकारी विनीत अभिषेक यांनी सांगितले. वांद्रे टर्मिनसमधील कोचिंग डेपोत सुमारे 800 डब्यांची देखभाल केली जाते. एलएचबी डब्यांची देखभाल दर 36 महिन्यांनी आणि आयसीएफ डब्यांची देखभाल 18 महिन्यांनी केली जाते.

53 कोटींचा खर्च

या संपूर्ण प्रकल्पासाठी एकूण 53 कोटींचा खर्च झाला आहे. हे काम गेल्या काही वर्षांपासून सुरू आहे. नव्या मार्गिकांपैकी पहिली मार्गिका जुलै 2024मध्ये वापरात आली होती. उर्वरित दोन मार्गिकांचे काम डिसेंबर 2025 मध्ये पूर्ण झालं होतं. यासाठी एकूण 53 कोटी 76 लाखांचा खर्च आला होता. या नव्या तीन मार्गिकांमुळे अतिरिक्त नभ रेल्वेगाड्यांची हताळणी शक्य होणार आहे.

Siddhivinayak Temple Closed: भाविकांनो, सिद्धिविनायक दर्शनाला जाताय? ही बातमी एकदा वाचा, मंदिरात 5 दिवस दर्शन बंद; कारण काय आणि कधी?

राज्याला मिळणार हँडहेल्ड एक्सरे यंत्रे

दरम्यान, राज्याचे आरोग्यमंत्री प्रकाश आबिटकर यांनी रविवारी केंद्रीय आरोग्यमंत्री जे. पी. नड्डा यांची नवी दिल्लीत भेट घेतली. राज्यातील राष्ट्रीय आरोग्य योजनांची प्रभावी अंमलबजावणी, सार्वजनिक आरोग्याच्या पायाभूत सुविधांना बळकटी आणि रुणकेंद्रीत सेवा देणे यांबाबत त्यांच्यात सविस्तर चर्चा झाली. राज्यातील क्षयरुग्णांची एक्सरे तपासणी वाढविण्याची सूचना केंद्राने केली असून, केंद्राकडून लवकरच राज्याला ९६ अतिरिक्त हँडहेल्ड एक्सरे मशिन देण्यात येणार असल्याची माहिती आबिटकर यांनी या भेटीनंतर दिली.