पनवेल महापालिकेचे पहिले उपमहापौर आणि सध्या राज्यपाल नियुक्त कोट्यातून विधानपरिषद आमदार विक्रांत पाटील यांची नगरसेवकपदाची जागा रिक्त झाली होती. त्यामुळे प्रभाग क्रमांक १८ क मधून कोण उमेदवार असेल याबाबतचा निर्णय पक्षाने पाटील यांच्यावर सोपवला होता. आमदार पाटील यांनी पत्नी मोहिनी पाटील आणि सख्खी बहीण स्नेहल ढमाले यांच्यासाठी प्रयत्न चालवले होते.

उमेदवारी अर्ज दाखल करण्याच्या आदल्या दिवशी मुख्यमंत्र्यांनी आमदारांच्या कुटुंबियांना उमेदवारी देऊ नये असा आदेश दिल्यामुळे पाटील यांची कोंडी झाली. नाईलाजास्तव आमदार पाटील यांनी समर्थक नेहा शेंडे यांना भाजपकडून उमेदवारी दिली. परंतु पाटील यांची बहीण स्नेहल ढमाले यांनीदेखील अपक्ष उमेदवारी अर्ज भरला.
Satara Crime : पोलीस मागे लागताच गाडी साताऱ्याला वळवली, पण नाकाबंदीत अडकले; मनसे पदाधिकाऱ्याच्या खुनाचे आरोपी सिनेस्टाईल ताब्यात
प्रभाग १८ क या जागेवर असलेल्या भाजपच्या बंडखोर कल्पना राऊत, शेकापच्या अपूर्वा प्रभू, अपक्ष स्वरा कुलकर्णी आणि भाजपच्या उमेदवार नेहा शेंडे या चार उमेदवारांनी अर्ज माघार घेतला. रिंगणात फक्त अपक्ष उमेदवार स्नेहल ढमाले यांचा अर्ज शिल्लक राहिल्यामुळे त्यांचा बिनविरोध विजय झाला. ही राजकीय खेळी बहिणीला नगरसेवक करण्यासाठी केल्याचे उघड आहे. परंतु भाजप उमेदवाराचा अर्ज माघार घेतला जातो ही पक्षासाठी लाजिरवाणी बाब असल्याचे बोलले जात आहे.

राज्यपाल नियुक्त विधानपरिषद आमदार विक्रांत पाटील हे प्रदेश भाजपचे सरचिटणीस आहेत, महापालिका निवडणुकीचे राज्य समन्वयक आहेत. त्यामुळे त्यांनी केलेल्या हिंमतीची चर्चा राज्यभर होते आहे.
Beed News : बायको फेसबुक लाईव्हमध्येच किंचाळली, रीलस्टार नवऱ्याचा करुण अंत, तीन चिमुकलींचं पितृछत्र हरपलं, महाराष्ट्र हळहळला
विजयी उमेदवार स्नेहल ढमाले यांचा विवाह झाला असून, याच प्रभागात राजकीय आणि सामाजिक क्षेत्रात सक्रिय आहेत. त्यामुळे त्यांचे नाव अनेक महिन्यांपासून चर्चेत होते. पत्नीला उमेदवारी नाही म्हणून बहिणीला अपक्ष नगरसेवक बनवण्यात पक्षनेतृत्वाला सांगूनच ही खेळी खेळली असावी अशी प्रभागात सुरू आहे. या प्रकारामुळे बहीण विजयी होऊनही आमदार विक्रांत पाटील यांना जाहीर आनंद साजरा करणे टाळावे लागले. भाजपच्या शिल्लक एका उमेदवाराने माघार घेतल्यामुळे भाजपच्या प्रिती जॉर्ज विरुद्ध शेकापकडून पालिकेची सेवानिवृत्त स्वच्छता निरीक्षक दिलीप कदम यांच्यात लढत होणार आहे.