पुण्यात वनाझ-रामवाडी आणि पिंपरी-चिंचवड-स्वारगेट या दोन मार्गिकांवर मेट्रो सेवा सुरू आहे. गेल्या काही दिवसांपासून मेट्रोची दैनंदिन प्रवासीसंख्या अडीच लाखांच्या जवळ पोहोचली आहे. सध्या गर्दीच्या वेळेत दर सहा मिनिटाला मेट्रो सेवा सुरू आहे. पण, प्रवाशांची वाढलेली गर्दी पाहता मेट्रो सेवेचा कालावधी आणखी कमी करण्याचे नियोजन महामेट्रोकडून सुरू आहे. त्यानुसार महामेट्रोने गणेशोत्सापासून गर्दीच्या वेळेस दर पाच मिनिटाला सेवा पुरविण्याचा निर्णय घेतला आहे. तर विना गर्दीच्या वेळी दर १० मिनिटाला मेट्रो सेवा नेहमीप्रमाणे सुरू असणार आहे.

Pune Vidyanand Bapat: मुख्यमंत्र्यांकडून कौतुक, लोकांनी डीजेवर नाचवलं, मीम्सचाही धुमाकूळ; विद्यानंद बापट खास शैलीत बोलले, नेमकं काय म्हणाले?सर्व ३३ रेक सेवेत

महामेट्रोकडे तीन डब्यांचे एकूण ३३ रेक आहेत. त्यापैकी सध्या ३० रेकचा नियमित वापर केला जात आहे. गर्दीच्या वेळेत दर पाच मिनिटांनी मेट्रो चालविण्यासाठी सर्व ३३ रेक सेवेत आणण्याचा निर्णय घेण्यात आला आहे. यामध्ये वनाझ-रामवाडी मार्गावर १७, तर पिंपरी-चिंचवड-स्वारगेट मार्गावर १६ रेकचा वापर करण्यात येणार आहे. त्यामुळे गर्दीच्या वेळेत फेऱ्यांची संख्या वाढविता येणार आहे.पाच मिनिटांच्या वारंवारितेने मेट्रो चालविण्याच्या चाचण्या गेल्या तीन दिवसांपासून सुरू आहेत. या चाचण्या यशस्वी होत असून, गणेशोत्सवापासून प्रत्यक्ष सेवा सुरू करण्याच्या दृष्टीने महामेट्रोची तयारी सुरू आहे.

ठळक मुद्दे
महामेट्रोकडे एकूण रेक—- ३३
सध्या मार्गावर धावणारे रेक—- ३०
वनाझ-रामवाडी मार्गावरील रेक—- १७
पिंपरी-चिंचवड-स्वारगेट मार्गावरील रेक—- १६
दैनंदिन सरासरी प्रवासीसंख्या—- सुमारे २.४० लाख
सध्याची गर्दीच्या वेळेतील वारंवारता—- ६ मिनिटे
गणेशोत्सवापासून प्रस्तावित वारंवारता—- ५ मिनिटे
विना गर्दीच्या वेळेतील वारंवारता—- १० मिनिटे

Baramati Crime : निर्जन शेतात अडीच कोटींचा गांजा, बारामतीमधील प्रकरणाचे ओडिशापर्यंत धागेदोरे; कुख्यात विकी कांबळे पोलिसांच्या जाळ्यातमेट्रोला प्रवाशांचा चांगला प्रतिसाद मिळत आहे. त्यामुळे दैनंदिन प्रवासीसंख्या अडीच लाखांवर पोहोचली आहे. वाढती गर्दी लक्षात घेऊन गर्दीच्या वेळेत दर पाच मिनिटांनी मेट्रो सेवा सुरू करण्यात येणार आहे. त्यासाठी चाचण्या सुरू करण्यात आल्या आहेत.– श्रावण हर्डीकर, व्यवस्थापकीय संचालक, महामेट्रो