लाखो भाविकांचे श्रद्धास्थान असलेले श्रीक्षेत्र सप्तशृंगगड येथील श्री भगवती सप्तशृंगी माता मंदिर येथे सालाबादप्रमाणे नाताळ उत्सव संदर्भीय सुट्ट्यांचा कालावधी, शाकंबरी नवरात्रोत्सव, नववर्षाचे स्वागताला प्रतिवर्षी गर्दी होते. गर्दीचे व्यवस्थापन व भाविकांना समाधानकारक व सुलभतेने दर्शन होण्याच्या दृष्टीने श्री भगवती मंदिर ट्रस्टच्या वतीने मंगळवार, ३० डिसेंबरपासून रविवार, ४ जानेवारीपर्यंत दररोज २४ तास दर्शनरांग सुरू ठेवण्यात येणार आहे.

Nashik News : मेहंदी सजली, हळद लागली; मुंबईकर वधूचा नाशिकच्या रिसॉर्टमध्ये मृत्यू, गोडबोले कुटुंबावर शोककळा
प्रतिवर्षी श्री भगवतीच्या दर्शनाने अनेक भाविक नववर्षाचे स्वागत करतात. त्यामुळे श्री क्षेत्र सप्तशृंगगड येथे नववर्षादरम्यान भाविकांची प्रचंड गर्दी लोटते. गर्दीचे व्यवस्थापन करणे सुलभ व्हावे, भाविकांना विनाविलंब दर्शन मिळावे, गर्दी विभागली जाऊन संभाव्य दुर्घटना टाळता याव्यात या बाबींचा विचार करून मंदिर ट्रस्ट मंदिर पुढील सहा दिवस दर्शनासाठी रात्रभर खुले ठेवण्याचा निर्णय घेतला आहे.

चिअर्स!!! यंदा नाशिककरांचं ‘थर्टीफर्स्ट’चं सेलिब्रेशन जोरात; मद्यविक्री, सेवनास पहाटे पाचपर्यंत परवानगी
देवीच्या दर्शनासाठी राज्यभरातून विशेषत: उत्तर महाराष्ट्रातून गडावर दाखल होणाऱ्या भाविकांना या निर्णयचा मोठा फायदा होणार आहे. भाविकांनी सदर सुविधेचा लाभ घ्यावा, असे आवाहन विश्वस्त संस्थेने केले आहे.

नवीन वर्षाचे स्वागत देवदर्शनाने करण्याचा पायंडा मागील काही वर्षांपासून दृढ झाला आहे. शेकडो भाविक त्र्यंबकेश्वर, शिर्डी, शेगावला रवाना झाले आहेत. तर बाहेरील भाविकांनी वेरूळ येथे घृष्णेश्वराच्या दर्शनासाठी गर्दी केली आहे. मंदिरात पहाटेपासून भाविकांची गर्दी आहे. मंदिर प्रशासनाने मुखदर्शनाचा निर्णय घेतल्यामुळे गर्दी नियंत्रणात आहे. दिवसभरात एक लाखापेक्षा अधिक भाविकांनी दर्शन घेतले आहे.नाताळाच्या सुट्टीमुळे वेरूळ-अजिंठा लेणी, देवगिरी किल्ला, बीबी का मकबरा या पर्यटनस्थळी पर्यटकांची गर्दी उसळली आहे. पर्यटनस्थळी रविवारी पर्यटकांची विक्रमी गर्दी झाली होती. ज्योतिर्लिंग घृष्णेश्वराच्या दर्शनासाठी एक लाखापेक्षा अधिक भाविक आले होते.