Mumbai Monorail to Resume Operations : खर्च भरून काढण्यासाठी नऊ महिन्यांच्या थांब्यानंतर मुंबई मोनोरेल भाडेवाढीसह पुन्हा सुरू होण्याची शक्यता आहे. नवीन भाडे 70 रुपयांपर्यंत वाढवण्यात आले असून , त्याला सरकारी मंजुरी मिळणं बाकी आहे.
मोनोरेलचे भाडे साधारणपणे मुंबई मेट्रोच्या भाड्याच्या बरोबरीने
एमएमआरडीएच्या प्रस्तावानुसार, 3 किमी पर्यंतच्या प्रवासासाठी नवीन किमान भाडे 5 रुपयांवरून 10 रुपये होण्याची शक्यता आहे. 3-6 किमीसाठी 20 रुपये, त्यानंतर 6-9 किमीसाठी 30 रुपये, 9-12 किमीसाठी 40 रुपये, 12-15 किमीसाठी 50 रुपये, 15-18 किमीसाठी 60 रुपये आणि 18 किमी व त्यावरील अंतरासाठी 70 रुपये भाडे असण्याची शक्यता आहेत. सुधारित रचनेमुळे मोनोरेलचे भाडे साधारणपणे मुंबई मेट्रोच्या भाड्याच्या बरोबरीने येईल, जिथे पहिल्या 3 किमीसाठी 10 रुपये आकारले जातात, मात्र त्यानंतरचे भाड्याचे टप्पे वेगळे आहेत.
Nitin Deshmukh : उद्धव साहेब, एकच विनंती… सुरत रिटर्न आमदार नितीन देशमुखांची पदाधिकारी नेमणुकीवरुन मोठी मागणी
2014 मध्ये जेव्हा मोनोरेलची सेवा सुरू झाली, तेव्हा सुरुवातीचे भाडे दर पहिल्या 3 किमीसाठी 5 रुपये, 3-5 किमीसाठी 7 रुपये, 5-10 किमीसाठी 9 रुपये, 10-15 किमीसाठी 14 रुपये, 15-20 किमीसाठी 15 रुपये आणि 20 किमी पेक्षा जास्त अंतरासाठी 19 रुपये असे होते. 2018 मध्ये भाडे सुधारित करून 0-3 किमीसाठी 10 रुपये, 3-12 किमीसाठी 20, 12-18 किमीसाठी 30 रुपये आणि 18 किमीपेक्षा जास्त अंतरासाठी 40 रुपये असं करण्यात आलं आहे.
तांत्रिक बिघाडांमुळे मोनोरेल सेवा थांबवली
संचालन आणि देखभालीचा वाढता खर्च, तसेच हैदराबादस्थित मेधा सर्वो ड्राईव्ह्सकडून नवीन गाड्यांची खरेदी, यांमुळे भाडेवाढ करणं आवश्यक झालं आहे, असं अधिकाऱ्यांनी सांगितलं. सप्टेंबर 2025 मध्ये तांत्रिक बिघाडांमुळे जीवितहानी झाल्यानं मोनोरेल सेवा थांबवण्यात आल्या. तेव्हापासून, या नेटवर्कमध्ये मोठी सुधारणा करण्यात आली आहे. ज्यामध्ये गाड्यांचा ताफा अद्ययावत करणे, आधुनिक कम्युनिकेशन-बेस्ड ट्रेन कंट्रोल (CBTC) सिग्नलिंग आणि रुळांची दुरुस्ती यांचा समावेश आहे.
Uddhav Thackeray: फुटण्याच्या तयारीत असलेल्या खासदारांना दणका देण्यासाठी ठाकरेंचं पहिलं मोठं पाऊल; कायदेशीर पेचात अडकवणार!
अनेकदा पांढरा हत्ती म्हणून टीका
मेट्रो रेल्वे सुरक्षा विभागाचे निवृत्त आयुक्त पी. एस. बघेल यांच्याकडून मिळालेल्या तीन महत्त्वपूर्ण सुरक्षा मंजुऱ्यांपैकी शेवटची मंजुरी या महिन्याच्या सुरुवातीला मिळाली. तथापि, महाराष्ट्र सरकारकडून अंतिम मंजुरी अद्याप अपेक्षित आहे. या प्रकरणाशी संबंधित एका अधिकाऱ्याच्या माहितीनुसार, सेवा पुन्हा सुरू करण्याचा प्रस्ताव सध्या राज्याच्या नगरविकास विभागाकडे आहे.
अनेकदा पांढरा हत्ती म्हणून टीका होणाऱ्या मुंबई मोनोरेलमुळे एमएमआरडीए (MMRDA) आणि तिची वाहतूक शाखा, महा मुंबई मेट्रो ऑपरेशन कॉर्पोरेशन लिमिटेड (MMMOCL) यांना मोठा आर्थिक फटका बसला आहे. 2025-26 मध्ये या प्रकल्पाला 460.26 कोटी रुपयांचा तोटा झाला, तर 2024-25 मध्ये हा तोटा 476.76 कोटी रुपये आणि 2023-24 मध्ये 57.26 कोटी रुपये होता. अधिकाऱ्यांनी अलिकडच्या वर्षांतील या वाढीव तोट्याचं मुख्य कारण नवीन गाड्या खरेदी करण्यासाठी झालेला भांडवली खर्च असल्याचं सांगितलं.
Monsoon Update : मान्सूनची वाटचाल थांबली, मुंबईसह कोकणात पावसासाठी 25 जूनची प्रतीक्षा, तीन दिवस उष्णतेच्या लाटेची परिस्थिती
दरम्यान, सेवा स्थगित होण्यापूर्वी, मोनोरेल दररोज अंदाजे 18 हजार प्रवाशांची वाहतूक करत होती. तर 2025 च्या पावसाळ्यात ही प्रवासी संख्या जवळपास 20 हजारपर्यंत वाढली होती. आता लवकरच मोनोरेल तुमच्या सर्वांच्या सेवेत पुन्हा हजर होणार आहे, अन् तुमचा प्रवास सुखकर करणार आहे.
लेखकाबद्दलप्रशांत पाटीलप्रशांत पाटील ‘महाराष्ट्र टाईम्स ऑनलाईन'(TIL) या आघाडीच्या डिजिटल माध्यम समूहात सीनियर डिजिटल कंन्टेट प्रोड्युसर पदावर कार्यरत आहेत. पुणे जिल्ह्यातील नामांकित ‘थोडक्यात’ न्यूज वेब पोर्टल, हैदराबादमधील ‘आधान शॉर्ट न्यूज अॅप’, ‘सकाळ मिडिया ग्रुप’ आणि आता ‘महाराष्ट्र टाइम्स ऑनलाईन’, असा जवळपास पाच ते साडेपाच वर्षांपेक्षा अधिक काळ ते कार्यरत आहेत. प्रशांत पाटील यांना महाराष्ट्रातील ग्रामीण भागातील सर्व गुन्हेगारी, अपघात, शेतकरी विषयक बातम्या, ग्रामीण भागात यश संपादन केलेल्या तरुणी किंवा तरुणांच्या सक्सेस स्टोरीज् आणि महाराष्ट्र हायपर लोकल अशा विविध विषयांची आवड आहे. ऑगस्ट (2026) पासून ‘महाराष्ट्र टाईम्स ऑनलाईन’साठी (TIL) काम करत आहेत. या दरम्यान, राज्यातील विधानसभा, लोकसभा आणि स्थानिक स्वराज्य संस्थाच्या निवडणुकींच्या बातम्यांवर विशेष लक्ष ठेवतात. याआधीही त्यांनी याच माध्यम समूहासोबत तीन वर्ष काम केलं आहे.
प्रशांत पाटील यांनी पुण्यातील नामांकित आबासाहेब गरवारे महाविद्यालयातून मास कम्युनिकेशन विषयात पदव्युत्तर शिक्षण घेतलं आहे. शिक्षण घेत असतानाच त्यांनी ‘थोडक्यात’ या न्यूज वेब पोर्टलला काम केलं. तिथे डिजिटल माध्यमासाठी लेखन करत असताना त्यांना डिजिटल क्षेत्रातलं कसं काम करतात? हे यश संपादन केलं. त्यानंतर त्यांना मुंबईत ‘महाराष्ट्र टाइम्य ऑनलाईन’ (TIL) या नामांकित माध्यम समूहामध्ये काम करण्याची संधी मिळाली. 28 मार्च 2022 रोजी ते ‘महाराष्ट्र टाइम्स ऑनलाईन’ या मोठ्या ब्रँण्डसोबत पहिल्यांदा जोडले गेले. तिथे त्यांनी प्रदीर्घ काळ म्हणजे तीन वर्ष डिजिटल विभागात काम केलं. त्यांनतर त्यांनी फेब्रुवारी 2025 ला ‘सकाळ मिडिया ग्रुप’ला काम करण्याची संधी मिळाली. परंतु तिथे ते काम करत असताना त्यांना पुन्हा ‘महाराष्ट्र टाइम्स ऑनलाईन’ (TIL) या माध्यम समूहाने संधी दिली. त्यानंतर ऑगस्ट 2026 पासून प्रशांत पाटील हे ‘महाराष्ट्र टाइम्स ऑनलाईन’सोबत (TIL) काम करताय.
‘महाराष्ट्र टाइम्स ऑनलाईन’मध्ये (TIL) काम करताना त्यांना खूप मोठमोठ्या संध्या मिळाल्या. जसे की, व्हिडिओ करणे, महाराष्ट्रातील संपूर्ण जिल्ह्यातील रिपोर्टर यांच्याशी समन्वय साधणे, जिल्हा प्रतिनिधींकडून वेळोवेळी काम करुन घेणे, विशेष आणि काही महत्वाच्या बातम्या मागवून घेणे, अशा बऱ्याच गोष्टींची त्यांना इथे मिळाली. प्रशांत पाटील हे सकाळच्या शिफ्टला काम करत असताना लाईव्ह ब्लॉग, रिपोर्टरशी बोलणे, ब्रेकिंग बातम्या, हायपर लोकल बातम्या, ग्रामीण भागातील सर्व घडामोडींकडे लक्ष देण्याचं काम ते करतात.… आणखी वाचा