पुणेः ‘जावळी तालुक्यातील सावरीत गावात असलेल्या एका हॉटेलवर टाकलेल्या धाडीत मोठ्या प्रमाणात अमली पदार्थ सापडले आहेत. हे हॉटेल उपमुख्यमंत्री एकनाथ शिंदे यांचा भाऊ प्रकाश शिंदे यांचे आहे. त्यांनी हे हॉटेल रणजित शिंदे यांना चालवण्यासाठी दिले आहे. त्यामुळे एकनाथ शिंदे यांनी उपमुख्यमंत्रिपदाचा राजीनामा द्यावा,’ अशी मागणी शिवसेना (उबाठा) उपनेत्या सुषमा अंधारे यांनी पत्रकार परिषदेत गुरुवारी केली. या प्रकरणात साताऱ्याचे पोलिस अधीक्षक तुषार दोशी यांनी माहिती दडपल्याचा आरोपही अंधारे यांनी केला.‘जरा विसावू या वळणावर’
अंधारे म्हणाल्या, ‘पाचगणी हे राज्यातील महत्त्वाचे पर्यटनस्थळ असून, त्या ठिकाणी अमली पदार्थांचा विळखा पडलेला आहे. अमली पदार्थामधून कमावलेला पैसा निवडणुकांमध्ये वापरला जात असेल, तर लोकशाहीसाठी ते अत्यंत घातक आहे. मुंबईमधील पोलिस पाचगणीमध्ये येऊन अमली पदार्थाची कारवाई करतात. त्या वेळी पालकमंत्री आणि पोलिस अधीक्षक नेमके काय करीत होते,’ असा प्रश्न उपस्थित करून, शिंदे यांनी त्वरित राजीनामा द्यावा, अशी मागणी त्यांनी केली.
Sanjog Waghere : ठाकरेंनी ज्यांना लोकसभेत उतरवलं त्याच नेत्याने पाठ दाखवली, पुण्यात बडा नेता भाजपात जाणार
पुण्यात आयोजित पत्रकार परिषदेत बोलताना अंधारे यांनी प्रकाश शिंदे यांच्या विधानाला उत्तर दिले. प्रकाश शिंदे यांनी या प्रकरणाशी आपला कोणताही संबंध नसल्याचे सांगत, आरोप मागे न घेतल्यास मानहानीचा दावा दाखल करण्याचा इशारा दिला होता. गुरुवारी अंधारे म्हणाल्या, “मी अशा धमक्यांना घाबरत नाही, आणि मी त्यांच्यावर थेट सहभागाचा आरोप केलेला नाही. प्रकाश शिंदे स्वतः तिथे गेले होते किंवा ते अंमली पदार्थ निर्मितीमध्ये सामील होते, असे मी कधीही म्हटले नाही. माझ्या म्हणण्याचा अर्थ असा होता की, जर सार्वजनिक चर्चेत त्यांचे नाव आले असेल, तर त्याची चौकशी झाली पाहिजे.”
‘जरा विसावू या वळणावर’
दरम्यान, महापालिका निवडणुकीची रणधुमाळी सुरू झाली असतानाच स्थायी समितीचे माजी अध्यक्ष व राष्ट्रवादी काँग्रेस शरदचंद्र पवार पक्षाचे माजी नगरसेवक विशाल तांबे यांनी ‘जरा विसावू या वळणावर’ असा मजकूर समाजमाध्यमांवर प्रसिद्ध केला आहे. तांबे आगामी पालिका निवडणूक लढवणार नसले, तरी त्यामुळे विविध तर्कवितर्क लढवले जात आहेत. मात्र, हा स्वल्पविराम आहे; पूर्णविराम नाही, असेही त्यांनी म्हटले आहे.
एकनाथ शिंदे, अजित पवार भाजपला शिंगावर घेतलं; ठाकरेंच्या फायरब्रँड नेत्या सुषमा अंधारेंचं तुफान भाषण
‘धनकवडी हे माझे विस्तारित कुटुंब आहे. आजपर्यंत मिळालेल्या सेवेच्या संधींबाबत मी समाधानी आहे. मात्र, समाजकारण, सेवाकार्य सुरूच राहील,’ असे तांबे यांनी म्हटले आहे.
लेखकाबद्दलसानिया कदमसानिया कदम, मटा ऑनलाईनमध्ये कन्सल्टंट पदावर कार्यरत आहे. प्रामुख्याने क्राइम, सिव्हिक आणि पॉलिटिक्स या बातम्या कव्हर करते. याआधी सहा महिने महाराष्ट्र टाइम्स प्रिंटमध्ये कॉलेज क्लब रिपोर्टर म्हणून काम केले आहे. त्या काळात कॉलेज इव्हेंट्स, शैक्षणिक उपक्रम आणि सोशल मीडियावरील ट्रेंड्सवर बातम्या केल्या. मुलुंड वाणिज्य महाविद्यालयातून BMM मध्ये पदवी घेतल्यानंतर सध्या के.सी. महाविद्यालयात MA in Communication and Journalism करत आहे. इंटरनॅशनल घडामोडी आणि पॉप कल्चर हे विषय विशेष आवडीचे असून इंग्लिश आणि मराठी या दोन्ही भाषेत वाचन व लेखन करण्याची आवड आहे.… आणखी वाचा