ओढ्यात मृतदेह आढळला

ठाणे जिल्ह्यातील शहापूरतालुक्यातील कळमगांवातील खरमेपाडा येथे 7 डिसेंबर रोजी ओढ्यात एक मृतदेह आढळला होता. हा मृतदेह वाशाळा येथील बाळू वीर (वय 42) याचा असल्याचं समोर आलं. याप्रकरणी शहापूर पोलीस ठाण्यात हत्येचा गुन्हा दाखल झाल्यानंतर ग्रामीण पोलिसांच्या स्थानिक गुन्हे शाखेने या गुन्ह्याचा समांतर तपास चालू केला. शहापूर पोलिसांचे पथक तपास करत होते.Mumbai Crime : 45 वर्षीय विवाहितेने मुंबईत आयुष्य संपवलं, दीर बघत बसला; विवस्त्र बॉडी सापडली, चॅटिंगमध्ये अनैतिक संबंध उघड

चौकशीमध्ये धक्कादायक माहिती समोर

चौकशीमध्ये हा गुन्हा विठ्ठल पारधी याने केल्याचं उघड झालं. पारधी याच्या किराणा दुकानातून किराणा साहित्य उधार दिलं नाही म्हणून वीर याने पारधी आणि त्याच्या पत्नीला शिवीगाळ केली होती. याच रागातून वीर याच्या डोक्यात फटका मारला. त्यामुळे गंभीर दुखापत झालेल्या वीरला खांद्यावरून घेऊन जात पाण्याच्या ओढ्यात टाकले. त्याच्यावर दगड ठेवून हत्या केल्याची कबुली पारधीने दिल्याची माहिती पोलिसांनी दिली.

पत्नीच्या अल्पवयीन बहिणीवरच वारंवार अत्याचार

रायगडमधील पेण तालुक्यातील वडखळ पोलीस ठाणे हद्दीत नातेसंबंधांचा गैरफायदा घेत अल्पवयीन मुलीवर लैंगिक अत्याचार केल्याची अत्यंत गंभीर घटना उघडकीस आली आहे. मुंबई-गोवा राष्ट्रीय महामार्गालगत असलेल्या एका गावात पीडित मुलीच्या बहिणीच्या पतीनेच तिच्यावर वेळोवेळी जबरदस्तीने शारीरिक संबंध ठेवून तिला चार महिन्यांची गर्भवती केल्याचं निष्पन्न झालं आहे. या घटनेमुळे संपूर्ण परिसरात खळबळ उडाली आहे.

Raigad Crime : नात्यातील विश्वासाचा घात! पत्नीच्या अल्पवयीन बहिणीवरच वारंवार अत्याचार, हॉस्पिटलमध्ये गेल्यावर धक्कादायक सत्य समोर…

पोलीस सूत्रांनी दिलेल्या माहितीनुसार, दिनांक 1 ऑगस्ट 2025 ते 30 नोव्हेंबर 2025 या कालावधीत आरोपी कपील राधेसिंह सोलंकी (वय 25) याने पीडित मुलगी ही अज्ञान व अल्पवयीन असल्याचं माहीत असतानाही तिचा गैरफायदा घेत वारंवार जबरदस्तीने तिच्याशी शारीरिक संबंध ठेवले. आरोपी हा पीडितेच्या बहिणीचा पती असल्याने घरातील विश्वासाचा फायदा घेत त्याने हे कृत्य केल्याचं तपासात समोर आलं आहे.