राष्ट्रवादी अजित पवार गटाच्या दोन रूपालींमधील वाद चव्हाट्यावर आला. रूपाली ठोंबरे यांनी चाकणकरांविरोधात सातत्याने टीकेची झोड उठवली. या प्रकरणाची दखल घेत पक्षाने कारवाई करत ठोंबरेंचे प्रवक्ते पदही काढून घेतले. यानंतर रूपाली ठोंबरे यांनी पत्रकार परिषद घेत आपली बाजू मांडली. यादरम्यान शिंदेंची शिवसेना व ठाकरे गटाकडून ऑफर आल्याचे ठोंबरेंनी सांगितले. येणारी महापालिकेची निवडणूक लढणार, असे ठोंबरेंनी ठामपणे सांगितले.