काय आहे प्रकरण?

संशयितांमधील इरफान शेख हा मनसेचा खंडाळा तालुकाध्यक्ष असून विशाल जाधव याला सातारा जिल्ह्यातून तडीपार करण्यात आलं होतं. किरण मोरे हा कथित युट्यूब पत्रकार होता. फलटण तालुक्यातील ३५ वर्षीय तरूणाशी बनावट इन्स्टाग्राम अकाऊंटवरून चॅटिंग करताना आरोपींनी महिला बोलत असल्याचे भासवले. २० ऑक्टोबर रोजी त्याला वीर धरण परिसरात भेटायला बोलावले. त्या ठिकाणी संशयितांनी तरुणाला त्याच्याच कारमध्ये घालून अपहरण केले. त्याला फायबर काठीने, हाताने, तोंडावर पाठीवर जबर मारहाण केली.
Pune News : पुण्यात प्री-वेडिंग फोटोशूट पडलं महागात, लग्न ठरलेल्या जोडप्याला दंड, फोटोग्राफरही अडकला, कारण काय?
जखमी तरूणाने शिरवळ पोलीस ठाण्यात फिर्याद दिल्यानंतर पोलिसांनी तिघांच्याही मुसक्या आवळल्या. न्यायालयाने त्यांना पोलीस कोठडी सुनावली. मनसेच्या खंडाळा तालुकाध्यक्षावर अपहरण, मारहाणीचा गुन्हा दाखल होताच एकच खळबळ उडाली. तसेच कथित युट्यूब पत्रकार किरण मोरे याच्या तडीपारीचा प्रस्ताव देखील काल (१२ नोव्हेंबर) मंजूर झाला आहे. त्याला पुणे आणि सातारा जिल्ह्यातून दोन वर्षांसाठी तडीपार करण्याचा आदेश वाईचे प्रांताधिकारी योगेश खरमाटे यांनी दिला आहे.
Pune News : खताची गोणी घेऊन शेतकरी निघाला, धावत्या बाईकवर बिबट्याची झडप, पुण्यातील भयंकर घटना CCTV त कैद
किरण मोरे याच्यावर विनयभंग, जबर मारहाण, धमकी देणे तसेच माहिती तंत्रज्ञान कायद्यान्वये शिरवळ पोलीस ठाण्यात तीन गंभीर गुन्हे दाखल आहेत. त्याच्या वर्तनात सुधारणा होत नसल्याने शिरवळ पोलिसांनी त्याच्या हद्दपारीचा प्रस्ताव तयार केला होता. त्यावर सुनावणी झाल्यानंतर त्याच्या तडीपारीचा आदेश पारित करण्यात आला आहे. फलटणचे डीवायएसपी विशाल खांबे यांच्या मार्गदर्शनाखाली, शिरवळचे पोलीस निरीक्षक यशवंत नलवडे यांच्या प्रयत्नातून ही कारवाई झाली आहे.

या संशयितांनी धमकी देऊन पैशांची मागणी केली असल्यास पीडितांनी शिरवळ पोलीस ठाण्यात तक्रार नोंदवावी. तक्रारदाराचे नाव व पत्ता गोपनीय ठेवण्यात येईल, असे आवाहन शिरवळ पोलिसांनी केले आहे.