या विरोधानंतर इंदापूरमधील राष्ट्रवादी (अजित पवार) दोन गटांत विभागला गेल्याचे स्पष्ट दिसत आहे. पक्षाने आमच्यावर अन्याय केला, तर आम्हीही गप्प बसणार नाही, असा थेट इशारा प्रदीप गारटकर यांनी दिला आहे. त्यांनी सांगितले की, जर नेतृत्वाने आमचे मत दुर्लक्षित केले, तर आम्हीही स्वतंत्र आघाडी उभी करून निवडणुकीच्या रिंगणात उतरण्याचा निर्णय घेऊ. बुधवारी पुण्यात उपमुख्यमंत्री अजित पवार आणि कृषिमंत्री दत्तात्रय भरणे यांच्या उपस्थितीत या वादावर महत्त्वाची बैठक झाली. त्यानंतर संध्याकाळी इंदापूरमधील गारटकर यांच्या निवासस्थानी कार्यकर्त्यांची खास बैठक घेण्यात आली, ज्यात गारटकर यांनी आपली ठाम भूमिका स्पष्टपणे मांडली.
Pune News : खताची गोणी घेऊन शेतकरी निघाला, धावत्या बाईकवर बिबट्याची झडप, पुण्यातील भयंकर घटना CCTV त कैद
या बैठकीदरम्यान प्रदीप गारटकर म्हणाले, पक्षाने आमच्या भावना ओळखल्या आणि सन्मान दिला तर आम्ही अजित पवारांसोबतच राहू. पण जर आमचं मत नाकारलं, तर राजीनामा देऊन स्वतंत्र उमेदवारी देऊ. शेवटच्या दिवसापर्यंत आम्ही प्रतीक्षा करू, पण अन्याय सहन करणार नाही. आपण आपली ताकद आणि उद्या येणारे आपल्या सोबतच्या लोकांची ताकद मिळवली तर या शहरामध्ये एकतर्फी निवडणूक होईल. यासंदर्भात माझी सगळ्यांशी बोलणे सुरू आहे जे लोक आपल्या विचाराला पाठिंबा देत आहेत त्यांचं नेमकं म्हणणं काय आहे हे मला ऐकून घ्यायचं आहे. सगळ्यांचं म्हणणं ऐकून घेऊन आपण सन्मानाने एकत्रित पॅनल उभा करू.
Pune News: फुरसुंगीतील 16 वर्षीय विद्यार्थ्याने संपवलं आयुष्य, ‘एनडीए’त प्रवेशासाठी घेत होता ट्रेनिंग, घटनेनं खळबळ
तर, सर्वात आधी पक्षाला प्रायोरिटी आहे त्यांनाही मी हे सांगितलं आहे. पक्षाने जर आमचं ऐकलं, योग्य सन्मान ठेवला तर आम्ही घड्याळावरच आहोत, पण पक्षाने जर आम्हाला कोललं तर, आम्ही सुद्धा पक्षाला कोलल्याशिवाय राहणार नाही. मी माझी नैतिकता ओळखतो अर्ज भरण्याच्या शेवटच्या दिवसापर्यंत म्हणजेच 17 तारखेपर्यंत मी पाहिल आणि जर पक्षाच्या विरोधात पॅनल उभा करण्याची वेळ आली तर मी माझा राजीनामा देणार आहे. जर मी पक्षाच्या विरोधात उभा राहत असेल तर मला या पदावर राहण्याचा अधिकार नाही ही नैतिकता मी ओळखतो. असं देखील प्रदीप गारटकर म्हणाले आहेत.
Ravindra Dhangekar: रवींद्र धंगेकरांना धक्का! ‘त्या’ प्रकरणात न बोलण्याचे आदेश, पुणे कोर्टात काय घडलं?
दरम्यान, इंदापूरच्या राजकारणात या घडामोडींमुळे राजकीय वातावरण चांगलेच तापले आहे. आता थेट जिल्हाध्यक्ष असणाऱ्या प्रदीप गारटकर गटानेचं अजित पवार आणि आमदार दत्तात्रय भरणे यांना दिलेला इशारा पक्षासाठी डोकेदुखी ठरू शकतो. पुढील काही दिवसांत या वादाची दिशा कुठे जाते? आणि याचा निवडणुकीवर काय परिणाम होतो याकडे पाहणं महत्त्वाचं आहे.