मिळालेल्या माहितीनुसार, मुरुड आणि परिसरातील अनेक नागरिकांनी प्रसन्न पुलेकर याच्याकडे लाखो रुपयांची गुंतवणूक केली होती. परंतु ठरल्याप्रमाणे व्याज किंवा मूळ रक्कम न मिळाल्याने गुंतवणूकदारांनी संताप व्यक्त केला. मुख्य तक्रारदार महेश भगत यांच्यासह १३६ जणांनी मुरुड पोलिस ठाण्यात तक्रार दाखल केली होती. या तक्रारीनंतर पोलिसांनी तपास अधिक गतीमान केला.

तपासादरम्यान पोलिसांच्या हाती विशाल शिंपी याच्या नावाचे बँक स्टेटमेंट्स आणि आर्थिक व्यवहारांचे पुरावे लागले. या व्यवहारांबाबत समाधानकारक स्पष्टीकरण न मिळाल्यामुळे पोलिसांनी शिंपीला अटक केली. पोलिस निरीक्षक परशुराम कांबळे यांच्या मार्गदर्शनाखाली तपास सुरु असून आतापर्यंत १५ हून अधिक जणांची सखोल चौकशी करण्यात आली आहे.
Pune News : 32 वर्षांपासून बेकायदा दवाखाना, पुण्यातला प्रसिद्ध डॉक्टर निघाला तोतया, आरोग्य विभागाने धाड टाकली अन्…
विश्वसनीय सूत्रांनी दिलेल्या माहितीनुसार प्रसन्न पुलेकर याने शहरातील काही प्रभावशाली व्यक्तींच्या माध्यमातून अवैध आर्थिक व्यवहार केले होते. या व्यवहारांमध्ये विशाल शिंपी याचा थेट सहभाग असल्याची शक्यता तपासात व्यक्त केली जात आहे. सध्या मुरुड पोलिसांकडून सर्व बँक खाती आणि व्यवहारांची काटेकोर तपासणी सुरु आहे.

या घोटाळ्यामुळे मुरुड शहरात एकच खळबळ उडाली असून गुंतवणूकदारांमध्ये भीतीचे वातावरण पसरले आहे. पुलेकर आणि त्याच्या सहकाऱ्यांकडून आपले पैसे परत मिळावेत, अशी मागणी होत आहे. पोलिसांकडून या हाय-प्रोफाइल फसवणुकीचा ‘मोठा मासा’ लवकरच जाळ्यात अडकणार, अशी चर्चा शहरात रंगली आहे.
Pune Crime : आय लव्ह यू… बायकोच्या फोनवरुन मित्राला मेसेज, पुण्यात समीर जाधवने परफेक्ट मर्डर रचला, पण तीन गोष्टींनी गेम फिरला
“प्रसन्न पुलेकर प्रकरणात सहभागी असलेल्या सर्व व्यक्तींची सखोल चौकशी सुरु आहे. विशाल शिंपी याच्याशी संबंधित व्यवहारांचे पुरावे आमच्याकडे आहेत. या प्रकरणात आणखी काही नावे समोर येऊ शकतात असे मुरुडचे पोलिस निरीक्षक परशुराम कांबळे यांनी सांगितले.