Pune News : पुणे गुन्हे शाखेनं घायवळच्या टोळीतील नंबरकारी जयेश वाघला अटक केलीय आहे. कोथरूड येथील गोळीबार प्रकरणात जयेश फरार होता. पोलिसांनी त्याला एकदम चित्रपटात जसं दाखवता त्याप्रमाणे त्याला ताब्यात घेतलं. वेषांतर करून तो लपलेला, कसा सापडला जाणून घ्या.
गुप्त माहितीच्या आधारे पोलिसांनी टिटवाळ्याजवळील कोंडारी या आदिवासी वस्तीत छापा टाकला. जयेश वाघ येथे वेषांतर करून राहत असल्याचे पोलिसांना समजले होते. काही दिवसांपासून तो ठाणे जिल्ह्यात वास्तव्य करत असल्याची खात्री पटल्यावर गुन्हे शाखेच्या पथकाने कल्याण परिसरात सापळा रचून त्याला बेड्या ठोकल्या आहेत.
Pune News: पुण्यात पेट्रोल पंपावर मारहाण, एकुलत्या एक मुलाचा मृत्यू; चारही आरोपी फरार, यशचे मारेकरी कधी पकडले जाणार?
वाघ हा नीलेश घायवळ टोळीचा एक महत्त्वाचा सदस्य असून, या टोळीवर संघटित गुन्हेगारी विरोधी कायद्यांतर्गत (मोक्का) अनेक गुन्हे दाखल आहेत. पुणे पोलिसांनी या टोळीच्या कारवायांवर आळा बसवण्यासाठी सातत्याने मोहीम हाती घेतली असून, अलीकडेच कोथरूड परिसरात झालेल्या गोळीबार व हल्ल्याच्या प्रकरणात 17 जणांवर मोक्काअंतर्गत कारवाई करण्यात आली आहे.
मोठी बातमी! कार्तिकी यात्रेनिमित्त आळंदी-देहूत वाहतूक बदल, ‘या’ रस्त्यांवर प्रवेशबंदी, पर्यायी मार्ग कोणते? पुणे शहर पोलीस आयुक्त अमितेश कुमार यांनी संघटित गुन्हेगारीचे जाळे मोडून काढण्यासाठी विशेष पथके नियुक्त केली आहेत. या पथकांना टोळ्यांच्या आर्थिक स्रोतांवर लक्ष केंद्रित करण्याचे आदेश देण्यात आले आहेत. गुंडगिरीच्या जोरावर उभी केलेली बेकायदेशीर मालमत्ता, मनी लॉन्ड्रिंगसारख्या व्यवहारांचीही चौकशी सुरू आहे.
नीलेश घायवळ, गजानन मारणे, बंडू आंदेकर आणि टिपू पठाण यांसारख्या कुख्यात गुंड टोळ्यांच्या नेटवर्कवर पोलिसांनी कसून नजर ठेवली असून, अशा कारवायांमुळे शहरातील गुन्हेगारी टोळ्यांचे धाबे दणाणले आहेत.