दर वर्षीप्रमाणे यंदाही आळंदी आणि देहू परिसरात १० ते १५ लाख भाविक दर्शनासाठी येणार आहेत. भाविक मोठ्या संख्येने आळंदीहून देहू येथील जगद्गुरू संत तुकाराम महाराज मंदिर, गाथा मंदिर व भंडारा डोंगराकडे दर्शनासाठी जातात. त्यामुळे वाहतूक कोंडी होण्याची शक्यता आहे. वाहतूक सुरळीत ठेवण्यासाठी वाहतूक विभागाने तात्पुरते निर्बंध लागू केले आहेत.

जड-अवजड वाहनांना प्रवेशबंदी मोशी, चाकण, दिघी, तळवडे, तळेगाव, मरकळमार्गे आळंदी आणि देहूकडे येणाऱ्या जड-अवजड वाहनांना या कालावधीत प्रवेश बंद केला आहे. वाहनचालकांनी जयगणेश साम्राज्य चौक अलंकापुरम चौक-विश्रांतवाडी भोसरी अशा पर्यायी मार्गांचा वापर करावा; तसेच देहू कमान, कॅनबे चौक, देहूफाटा, माजगाव फाटा, भोसे फाटा, मरकळ आदी मार्गावरून जड वाहनाना बंदी असेल.
Pune Politics : पुण्यात अजितदादा-फडणवीसांना शह देण्यासाठी शिंदेंची खेळी; मदतीला नवा भिडू शोधला, युतीची घोषणा
आळंदी व देहू परिसरातील पार्किंग व्यवस्था
-तळेकर पाटील चौकाजवळ (दक्षिण व उत्तर बाजू)
-आदित्य इंटरनॅशनल स्कूल, डुडुळगाव
-ज्ञानविलास कॉलेज परिसर
-मुंगसे पार्किंग, बोपदेव चौक
-इंद्रायणी हॉस्पिटलसमोर
-विश्रांतवाडी-वडगाव रोड
-मुक्ताई मंगल कार्यालयाजवळ
-आळंदी नगर परिषद शौचालयाजवळील पार्किंग
Pune Land Scam: एकही रुपयाविना व्यवहार झाला कसा? अजित पवारांकडून नोंदणी विभागावर खापर
आळंदी शहरात वाहनांना प्रवेशबंदी
आळंदी शहरात सर्व प्रकारच्या वाहनांना प्रवेशबंदी करण्यात आली आहे. पुणे आळंदी, मोशी-आळंदी, चिंबळी आळंदी, चाकण-आळंदी, वडगाव घेणंद-आळंदी व मरकळ-आळंदी हे मुख्य रस्ते बंद राहणार आहेत.

वाहतूक कोंडी टाळण्यासाठी नागरिकांनी पर्यायी मार्गांचा अवलंब करावा; तसेच, पोलिसांनी दिलेल्या सूचनांचे पालन करावे. – विवेक पाटील, पोलिस उपायुक्त, वाहतूक शाखा, पिंपरी-चिंचवड