Akola Crime News : महाराष्ट्र हादरवणाऱ्या अकोला जिल्ह्यातील अक्षय नागलकर याच्या हत्या प्रकरणात नवीन माहिती समोर येत आहे. आता अक्षयच्या हाडांची डीएनए चाचणी करण्यात येणार आहे. नेमकं प्रकरण काय ते जाणून घ्या.
अकोला शहरात 22 ऑक्टोबरला अक्षय नागलकर हा युवक बेपत्ता झाला होता. त्याचा कसून शोध पोलिसांनी घेतला, मात्र चार दिवसांनी अक्षयचा खून झाल्याचं समोर आलं. या प्रकरणी पोलिसांनी आधी चार जणांना ताब्यात घेतले होते. त्यानंतर आणखी चौघांना अटक करण्यात आली होती. तर आणखी एकाला याप्रकरणी पोलिसांनी अटक केली आहे. ह्या नऊही आरोपींना 5 नोव्हेंबर पर्यंत पोलीस कोठडी सुनावण्यात आली आहे. पोलिसांनी तपासात वेग आणत आरोपींकडून मृतकाच्या हाडांचे तुकडे, राख, २ देशी पिस्तुल, कोयता व ६ जिवंत काडतुसे, टाटा इंडिगो कार, ३ मोटारसायकली, ७ मोबाइल फोन असे साहित्य ताब्यात घेतले आहेत. पोलिसांकडून डीएनए तपासाची प्रक्रिया सुरू असल्याची माहिती जिल्हा पोलिस अधीक्षक अर्चित चांडक यांनी दिली आहे. या हत्येप्रकरणी आतापर्यंत पोलिसांनी चंदू बोरकर, आशु वानखडे, श्रीकृष्ण भाकरे, ब्रह्मा भाकरे, रोहित पराते, अमोल उन्हाळे, आकाश शिंदे, नारायण मेसरे, शिवा माळी या नऊ आरोपींना अटक केली आहे. या नऊही आरोपींना ५ नोव्हेंबरपर्यंत पोलिस कोठडी सुनावली सुनावण्यात आली आहे.
‘आई स्वयंपाक करून ठेव’, म्हणत अक्षय घरातून गेला, तो पुन्हा परतलाच नाही, बेपत्ता तरुणाच्या शोधात मोठी माहिती समोर; महाराष्ट्र हादरला
खुनामागील धक्कादायक कट उघड
पोलीस तपासादरम्यान अक्षयला त्याचा मित्र आशु वानखडे याने दुचाकीवर घेऊन गेल्याची माहिती समोर आली आहे. पुढे तपासात समोर आले की अक्षयचा पूर्वी वाद झाल्याने चंदू बोरकर याने कट रचला होता. त्यासाठी आरोपींनी गायगाव रोडवरील बंद हॉटेल भाड्याने घेतले. जेवणाच्या बहाण्याने अक्षयला बोलावून, हॉटेलचे शटर बंद करून त्याचा पिस्तुल व धारदार शस्त्राने खून केला. यानंतर पुरावे नष्ट करण्यासाठी आरोपींनी शेतात टिनची रूम बनवून मृतदेह जाळून राख नदीत टाकली.Akola News : पडक्या घराजवळून जाताना अनर्थ, 8 वर्षीय चिमुकल्याच्या अंगावर भिंत कोसळली; एकुलता एक लेक गेल्यानं आई-वडिलांचा आक्रोश
पोलिसांची पथके करण्यात आली होती तयार
पोलिसांना गुप्त महितीदाराकडून मिळालेल्या माहिती वरून एकूण आठ पथके तयार करण्यात आली होती. यात स्थानिक गुन्हे शाखेची चार पथके, पोलीस उपविभागीय अधिकारी यांच्या विभागाची दोन पथके आणि डाबकी रोड पोलीस स्टेशनची दोन पथके अशी आठ पथके या तपासासाठी रवाना करण्यात आली होती. पोलिसांनी अहोरात्र परिश्रम घेऊन तांत्रिक विश्लेषणाच्या आधारे 48 तासात संशयीत आरोपींना ताब्यात घेतले होते. चौकशीत सर्व सत्य समोर आले.
लेखकाबद्दलहरिश मालुसरे हरिश मालुसरे, महाराष्ट्र टाइम्स ऑनलाईनमध्ये डिजिटल कंटेंट प्रोड्युसर म्हणून कार्यरत आहेत. 2020 पासून पत्रकारितेच्या क्षेत्रात आहेत. राजकीय, स्पोर्ट्स, आणि क्राईम या विषयांच्या बातम्यांमध्ये विशेष आवड. पुण्यातील आबासाहेब गरवारे महाविद्यालयात पत्रकारितेमध्ये आपली पदवीचे शिक्षण पूर्ण केले. त्यानंतर थोडक्यात, झी २४ तास, टीव्ही९ मराठी या माध्यमांमध्येही ऑनलाईन टीममध्ये काम केले आहे.… आणखी वाचा