दिवाळी संपताच शुक्रवारी जिल्ह्याच्या काही भागांत पाऊस झाला. जिल्ह्यात नाशिकसह बागलाण, मालेगाव, चांदवड, दिंडोरी, येवला, इगतपुरी या तालुक्यांमध्ये यापूर्वीच पावसाने हजेरी लावली आहे. सद्यस्थितीत दिवसभरात कडक ऊन, तर कधी ढगाळ वातावरण अशा बदलत्या हवामानाचा प्रत्यय येतो आहे.
रील स्टार अंमलदारला दबंगगिरी महागात; ‘तो’ VIDEO व्हायरल केल्यानंतर खात्यांतर्गत होणार चौकशी, प्रकरण काय?
दिंडोरीमध्ये सोयाबीन व भुईमुगाची काढणी वेगाने सुरू होती. दरम्यान, अवकाळीच्या तडाख्याने हाताशी आलेले सोयाबीन खराब झाले आहे. शेतांमध्ये पाणी साचल्याने सोयाबीनच्या शेंगाही काळवंडल्या आहेत. मका पिकालाही मोठा फटका बसला आहे. ओलसर हवामानामुळे साठविलेल्या सोयाबीनला कोंब फुटण्याची भीती निर्माण झाली आहे. कळवण व सुरगाणा भागातील आदिवासी पट्ट्यातही शेतात पाणी साचल्याने वरईच्या पिकावर टांगती तलवार आहे.

Nashik Politics: ‘बाहुबली’ म्हणतो, माझी चूक झाली! पसार विक्रम नागरेचा माफीनाम्याचा व्हिडीओ व्हायरल
मराठवाड्याला पावसाचा तडाखा
छत्रपती संभाजीनगर: मराठवाड्याच्या काही भागांत रविवारी मध्यम ते हलक्या स्वरूपाचा पाऊस पडला आहे. अंबड, घनसावंगी तालुक्यांत जोरदार पाऊस झाला आहे. छत्रपती संभाजीनगर, जालना, बीड, धाराशिव, लातूर जिल्ह्याच्या काही भागांत पाऊस पडला आहे. या पावसामुळे जनजीवन विस्कळित झाले आहे. अर्धा ते एक तास मुसळधार पाऊस पडल्यामुळे वाहतूक ठप्प होऊन बाजारपेठेत धावपळ उडाली होती