मृत महिलेचं नाव शोभा ढुंडाप्पा जरळी (वय 58, रा. निलजी, ता. गडहिंग्लज) असं असून त्या शेतकरी असून दररोज शेतातील भाजीपाला विक्रीसाठी प्रवासी रिक्षातून गडहिंग्लज बाजारात येत असत. रविवारी दुपारीही त्या भाजी घेऊन शहरात येत असताना काळाने त्यांच्यावर झडप घातली. पोलिसांनी दिलेल्या माहितीनुसार, संकेश्वरकडून गडहिंग्लजकडे येत असलेली रिक्षा (क्रमांक MH09 BA 462) शेरी ओढ्यानजीक आली असता, भरधाव वेगाने मागून आलेल्या वॅगोन आर (क्रमांक MH 09 GO 7648) या कारने रिक्षाला जोराची धडक दिली. धडकेचा जोर एवढा होता की, दोन्ही वाहने रस्त्यालगतच्या खड्यात कोसळली.
महिला डॉक्टरच्या हातावरील मजकूर दुसऱ्यानेच लिहिला? आणखी कोणीतरी… बहिणीचा खळबळजनक दावा, प्रकरणात मोठा ट्विस्ट?

एकूण 8 जण जखमी

या अपघातात रिक्षातील शोभा यांचा जागीच मृत्यू झाला आहे. तर रिक्षाचालक राजेंद्र दुरदुंडी, प्रवासी चंद्रशेखर म्हातोर (वय 50), अजित मोतीलाल मरांडे (वय 23), रामशंकर म्हातोर (वय 53) हे तिघेही झारखंडचे रहिवासी कामगार असून सर्वजण जखमी झाले. तसंच रिक्षामधील आणखी एक प्रवासी मारुती लक्ष्मण किल्लेदार (वय 48, रा. हिटणी) हेही जखमी झाले. चारचाकीतील सुप्रिया विलास बागी (वय 30), शुभांगी कांबळे (वय 28), आणि पवित्रा संभाजी कांबळे (वय 4, तिघेही रा. तनवडी) हे तिघे देखील जखमी झाली आहेत. त्यामुळे या अपघातात एकूण एक जण जागीच ठार, तर आठ जण जखमी झाले आहेत.
फळ-भाजी खरेदी करताना दोघांकडून अपहरण, अल्पवयीन तरुणीसोबतच्या भयंकर कृत्याने नागपुरात संताप; कुख्यात गुंडाने…

गडहिंग्लज पोलीस ठाण्यात गुन्हा दाखल

नागरिकांनी घटनास्थळी धाव घेत अपघातग्रस्तांना वाहनातून बाहेर काढून तात्काळ खासगी रुग्णालयात उपचारासाठी हलवलं. दरम्यान, मारुती किल्लेदार यांच्या फिर्यादीवरून गडहिंग्लज पोलीस ठाण्यात चारचाकी चालक संभाजी शशिकांत कांबळे (रा. तनवडी) यांच्याविरुद्ध बेफिकिरीने वाहन चालवल्याचा गुन्हा नोंदवण्यात आला आहे.

जरळी कुटुंबावर संकट

शोभा जरळी या अल्पभूधारक शेतकरी असून त्या घराचा संपूर्ण खर्च भाजी विक्रीतून भागवत होत्या. त्यांच्या निधनाने कुटुंबाचा आधारच नष्ट झाला आहे. पती, मुलगा व मुलगी असा त्यांचा परिवार आहे. गावातील नागरिकांनी त्यांच्या निधनाबद्दल दु:ख व्यक्त केले आहे.

महामार्गावर वाढते वेगाचे सत्र

संकेश्वर–गडहिंग्लज हा राष्ट्रीय महामार्ग झाल्याने या मार्गावरील वाहनांची गर्दी आणि वाहनांचा वेग दोन्हीही वाढले आहेत. त्यामुळे मागील काही महिन्यांत या मार्गावर अपघातांचे प्रमाण वाढले असून नागरिकांनी वाहतूक नियंत्रणासाठी पोलिसांनी या ठिकाणी गस्त वाढवावी, अशी मागणी केली आहे.