साताऱ्यातील दुर्घटना दुर्दैवी
साताऱ्यातील महिला डॉक्टरवरील अत्याचारप्रकरणी प्रतिक्रिया देताना शिंदे म्हणाले, ‘ही घटना अत्यंत दुर्दैवी आणि क्लेशदायक आहे. आरोपींवर कठोर कारवाई केली जाईल. एका आरोपीला अटक झाली असून इतरांना लवकरच अटक होईल. दोषींना कोणत्याही प्रकारे पाठीशी घातले जाणार नाही’,असा इशारा त्यांनी यावेळी दिला.
स्थानिक स्वराज्य संस्था निवडणुकीत मित्रपक्षांना स्वबळावर लढायला लावून भाजप शिंदेसेना व अजित पवारांच्या पक्षाचा काटा काढणार हे लक्षात आल्यानेच माझा पक्ष व मला वाचवा, अशी मनधरणी करण्यासाठी एकनाथ शिंदे दिल्लीत गेले, अशी टीका महाराष्ट्र प्रदेश काँग्रेस समितीचे अध्यक्ष हर्षवर्धन सपकाळ यांनी शनिवारी केली. भाजप, शिंदेसेना व अजित पवार यांच्या राष्ट्रवादी काँग्रेस पक्षातच प्रचंड वाद आहेत, तीनही पक्षात कुरघोडीचे राजकारण सुरू असल्याने हे सरकार पाच वर्ष कसे चालणार हा कुतुहलाचा प्रश्न आहे. आता शिंदेसेनेलाच गिळंकृत करण्याचा डाव भाजपाने आखला असून स्वतःला वाचवण्यासाठी एकनाथ शिंदे दिल्लीत गेले आहेत, पण भाजपचा मित्रपक्षांबद्दलचा आतापर्यंतचा अनुभव पाहता ते शिंदेना कितपत दाद देतील हे पहावे लागेल, असे सपकाळ म्हणाले.
पुण्यातील शिवसेना नेते रवींद्र धंगेकर आणि भाजप नेते व केंद्रीय मंत्री मुरलीधर मोहोळ यांच्यातील वादावर भाष्य करताना, धंगेकरांना मी स्पष्ट संदेश दिला आहे, आवश्यक असल्यास मी स्वतः त्यांच्याशी बोलेन असे उपमुख्यमंत्र्यांनी स्पष्ट केले.

महाराष्ट्र ही संतांची भूमी आहे आणि पंतप्रधान नरेंद्र मोदी नेहमी महाराष्ट्रातील संतांचा उल्लेख करतात. कार्तिकी एकादशीच्या पार्श्वभूमीवर संत तुकाराम महाराजांची मूर्ती पंतप्रधानांना भेट दिली.