जैन धर्मियांच्या भावना तीव्र आहेत त्यांच्यामध्ये असंतोष आहे. त्यामुळे मोहाळांची झाडाझडती येण्यासाठीच फडणवीस आणि त्यांना बोलावलं असेल. देवेंद्र फडणवीस चुकीच्या लोकांना सोडणार नाहीत. माझं मन मला सांगत आहे, देवेंद्र फडणवीस हे मुरलीधर मोहोळ यांच्यावर कारवाई केल्याशिवाय सोडणार नाहीत. चाणक्ष राजकारणी म्हणून देवेंद्र फडणवीस यांच्याकडे पाहिले जाते ते नक्कीच कारवाई करतील, असा विश्वास देखील रवींद्र धंगेकर यांनी व्यक्त केला आहे.
दरम्यान, एकीकडे रवींद्र धंगेकर भारतीय जनता पक्षांच्या नेत्यांवर टीका करत आहेत. निलेश घायवळ प्रकरणावरून रवींद्र धंगेकर यांनी चंद्रकांत पाटील यांना लक्ष केलं तर आता जैन बोर्डिंग जमीन गैरव्यवहारा प्रकरणी मुरलीधर मोहोळ यांच्यावर रवींद्र धंगेकर यांनी टीकेची राळ उठवली आहे. अशात दुसरीकडे मात्र धंगेकर यांनी देवेंद्र फडणवीस यांची तोंड भरून स्तुती केली आहे. धंगेकर यांच्या टिकेनंतर महायुतीत बेबनाव झालेला दिसत असताना फडणवीसांवर स्तुतीसुमणे उधळल्याने नवीन चर्चांना उधाण आल आहे.