पदाधिकाऱ्यांना मार्गदर्शन करताना राज ठाकरे म्हणाले की, ‘हा मोर्चा सत्तेसाठी नाही तर सत्यासाठी आहे. हा मोर्चा खोट्या मतदारांसाठी नाही तर खऱ्या मतदारांसाठी आहे. गल्लीपासून दिल्लीपर्यंत या मोर्चाची दखल घ्यायला लागली पाहिजे’. विरोधकांतर्फे अलीकडेच निवडणूक अधिकाऱ्यांची भेट घेण्यात आली होती. त्यावेळी मतदार याद्या पूर्णपणे नव्याने अद्ययावत होणार नाहीत तोपर्यंत निवडणुका घेऊ नयेत, अशी ठाम भूमिका राज ठाकरे यांनी मांडली होती.
लवकरच मुंबई महानगरपालिकेच्या निवडणुका होत आहेत त्याच पार्श्वभूमीवर भाजप समाजात विष कालवण्याचे काम करत आहे. दिवाळीच्या आनंदाच्या सणातही भाजप द्वेषाचे विष कालवत आहे. अशा विषारी प्रचाराला बळू पडू नका, फसोगे तो लुटोगे’, असे आवाहन मुंबई काँग्रेसच्या अध्यक्ष खासदार वर्षा गायकवाड यांनी केले आहे. मुंबईत दिवाळीनिमित्त वाटण्यात आलेल्या मिठाईच्या पुड्यांवर बटेंगे तो कटेंगे, एक हैं तो सेफ हैं, अशा प्रकारचा मजकूर छापण्यात आल्याचे निदर्शनास आले आहे. यानुषंगाने गायकवाड बोलत होत्या.