नेमकं काय घडलं?

मुंबईच्या दक्षिण भागात राहणारी ही अल्पवयीन मुलगी शाळा आणि क्लाससाठी एकटी प्रवास करीत असल्यामुळे घरच्यांनी तिला फोन दिला होता. अभ्यासासाठीही आई तिचा फोन वापरू देत असे. या दरम्यान, आईने तिच्या मोबाईलवरून +44 या युकेच्या क्रमांकावरून कॉल आलेला पाहिला. परदेशी क्रमांक पाहून आईला संशय आला आणि चौकशी केली असता संपूर्ण प्रकरण उघडकीस आले. त्यानंतर तिने तातडीने जेजे मार्ग पोलिसांकडे धाव घेतली.
Pune Crime: काय रे, इंस्टाग्रामवर रिक्वेस्ट का स्वीकारली नाहीस? पुण्यात चौघांनी घेरलं, दांडक्यासह लाथा-बुक्क्यांचा प्रसाद

आरोपीने वापरली मैत्रीची युक्ती

पोलिसांनी दिलेल्या माहितीनुसार, आरोपीने सुरुवातीला स्वतःला मित्र असल्याचे सांगून मुलीशी संवाद साधायला सुरुवात केली. नियमित कॉल्स आणि चॅट्समुळे मुलगी त्याच्या जाळ्यात अडकली. “ती अल्पवयीन आहे हे लक्षात येताच त्याने जाणूनबुजून संबंध अधिक घट्ट केले आणि हळूहळू तिला स्वतःचे अश्लील फोटो पाठवायला प्रवृत्त केले,” असे पोलिसांनी सांगितले.फोटो मिळाल्यानंतर आरोपीने आपले रूप पालटले. त्याने मुलीला ब्लॅकमेल करायला सुरुवात केली. “आणखी फोटो पाठव नाहीतर आधीचे सगळे फोटो सोशल मीडियावर व्हायरल करीन” अशी धमकी देत तो तिला त्रास देऊ लागला. मुलगी घाबरून काही काळ गप्प राहिली, पण अखेर आईवडिलांच्या लक्षात तिच्या वागण्यात बदल जाणवताच त्यांनी फोन तपासला आणि प्रकार समोर आला.

तक्रार दाखल होताच पोलिसांनी पोक्सो कायद्यान्वये गुन्हा नोंदवला आहे. प्राथमिक तपासात हा क्रमांक युकेमधील एका बिझनेसच्या नावावर नोंदवलेला आढळला आहे. “आरोपी खरोखर परदेशातून काम करत आहे की भारतातून व्हर्च्युअल नंबर वापरत आहे, हे तपासण्यासाठी तांत्रिक विश्लेषण सुरू आहे,” असे एका वरिष्ठ अधिकाऱ्याने सांगितले.