पालघर जिल्ह्यातील तारापूर औद्योगिक क्षेत्रातील प्लॉट नंबर टी- 150 स्थित आरती ड्रग्स या कंपनीत अचानक वायू गळती झाली. वायुगळती झाल्यानंतर काही क्षणातच कंपनी व आसपासच्या परिसरात मोठ्या प्रमाणात धुराचे लोण सर्वत्र पसरले. सोमवारी सायंकाळी सात वाजताच्या सुमारास ही घटना घडली आहे. कारखान्यात उत्पादन प्रक्रिया सुरू असताना हायड्रोक्लोरिक आम्ल बाहेर पडून हवेत पसरल्यामुळे ही घटना घडल्याची प्राथमिक माहिती समोर आली आहे. वायुगळती झालेली कंपनी औद्योगिक क्षेत्रातील सालवड शिवाजीनगर परिसरात असून वायूगळतीमुळे कामगार व परिसरातील नागरिकांना डोळे चुरचुरणे घसा खवखवण्यासारखे त्रास जाणवू लागले. परिसरात धुराचे लोण पसरल्यामुळे भीतीपोटी अनेकांनी घरातून पळ पडल्याचे पहावयास मिळाले.
Nepal Protest : संसदेत घुसलेल्या विद्यार्थ्यांवर गोळीबार, 9 जणांचा मृत्यू, 80 पेक्षा जास्त जखमी
घटनेची माहिती मिळाल्यानंतर बोईसर पोलीस व अग्निशमन दलाचे जवान तात्काळ घटनास्थळी दाखल झाले. वायुगळती सुरू झाल्यानंतर कंपनीच्या सुरक्षा अधिकाऱ्यांनी तात्काळ उपाययोजना केल्यामुळे वायू गळतीवर नियंत्रण मिळवण्यात यश आले आहे. सध्या परिस्थिती नियंत्रणात असून पुढील उपाययोजना सुरू आहेत.

सोमवारी उरण मध्ये देखील संवेदनशील ओएनजीसी प्रकल्पात मोठी आग लागण्याची घटना घडली. दुपारी अडीचच्या सुमारास ही घटना घडली. दीड फुटाच्या पाईपमधून अचानक वायुगळती सुरू झाल्याने आग लागली. तत्काळ ओएनजीसी आणि सिडको अग्निशमन दलाच्या जवानांनी आग विझवण्यासाठी शर्थीचे प्रयत्न केल्याने दोन ते अडीच तासांनी आग नियंत्रणात आली. घटनेमुळे काही काळ नागरिकांमध्ये घबराटीचे वातावरण पसरले होते. रणमधील सर्वात मोठे ONGC हे नैसर्गिक वायू आणि तेल शुद्धीकारण केंद्र असून, याकेंद्रातून नैसर्गिक वायू आणि तेल वितरण करण्यात येते. भारत सरकारकडून हा प्रकल्प संचालित असून वारंवार अशा प्रकारच्या घटना घडत असल्याने प्रकल्पसंदर्भात अनेक प्रश्न या अनुषंगाने उपस्थित राहत आहेत.