म. टा. प्रतिनिधी, नागपूर: ‘यंदाचे डेकोरेशन छान झालेय बरं का…’, ‘प्राणप्रतिष्ठा मुहूर्तावरच हवी…’ असे संवाद घरोघरी ऐकू येत आहेत. धावपळ, लगबग आणि उत्साहाला भक्तिभावाची जोड लाभली आहे. मोदकांपासून दुर्वांपर्यंत आणि पत्रींपासून पूजेतील सुपारीपर्यंत सारे काही सज्ज झाले आहे. सुखकर्ता, दुःखहर्ता बाप्पा लाडक्या भक्तांच्या भेटीला आले असून, आज सोमवारी भक्तिमय वातावरणात त्यांची जल्लोषात प्रतिष्ठापना होणार आहे.

शहरातील विविध सार्वजनिक गणेश मंडळांत मंडप, रोषणाई आणि सजावटीवर अंतिम हात फिरविण्याची लगबग रविवारी दिवसभर सुरू होती. चितारओळीसह शहरातील विविध भागांत गणेशमूर्तींची मोठ्या प्रमाणात विक्री झाली. सकाळपासूनच चितारओळीत भाविकांची गर्दी उसळली होती. मार्ग बंद न केल्याने काही काळ वाहतुकीची कोंडी झाली. मिळेल त्या जागी विक्रेत्यांनी दुकाने थाटल्यामुळे मोठ्या मूर्ती बाहेर काढताना मंडळांच्या कार्यकर्त्यांना अडचणींचा सामना करावा लागला.

Maharashtra FDA: वर्षभर नव्हे, आता अहवाल 14 दिवसांत; शिफ्टमध्ये काम, एफडीएचा कारवायांचा धडाकामहाल परिसरात दिवसभर भाविकांची वर्दळ होती. घरगुती गणपतींसह सार्वजनिक मंडळांच्या मूर्तीही रविवारी नेण्यात आल्या. त्यामुळे संपूर्ण परिसर रात्री उशिरापर्यंत गजबजलेला होता. आज सकाळपासून प्रतिष्ठापना होणार असल्याने रविवारी अनेकांनी वाजतगाजत गणेशमूर्ती घरी व मंडळांत नेल्या. नागपूरबाहेरील अनेक सार्वजनिक गणेशोत्सव मंडळांनीही चितारओळीत मूर्ती घेण्यासाठी गर्दी केली होती. सेंट्रल ॲव्हेन्यूवर मूर्ती नेण्यासाठी आलेल्या चारचाकी वाहनांच्या रांगा सकाळपासून दिसून येत होत्या.

पावसाने दिलासा दिला

सकाळी झालेल्या पावसामुळे विक्रेते, दुकानदार, मूर्तिकार आणि भाविकांची काहीशी तारांबळ उडाली. मात्र, दुपारी पावसाने उसंत घेताच चितारओळ तसेच शहरातील बाजारपेठांमध्ये पुन्हा गर्दी वाढली. यंदा हरतालिका आणि गणेश चतुर्थी एकाच दिवशी आल्याने प्रथम हरतालिकेची पूजा आणि त्यानंतर गणरायाची प्रतिष्ठापना होणार आहे. त्यामुळे रविवारी भाविकांनी दोन्ही पूजांसाठी लागणारे साहित्य खरेदी करून घेतले.

Nagpur News : 2019 मध्ये मुलगा गेला, पित्याला सूनेवर जादूटोण्याचा संशय, वादाने टोक गाठलं, नागपुरात मन सुन्न करणारी घटनारविवार सुटीचा दिवस असल्याने अनेकांनी सकाळपासून घराची स्वच्छता, सजावट आणि डेकोरेशन पूर्ण केले. सायंकाळी गणेशमूर्ती व पूजा साहित्य खरेदीसाठी बाजारपेठांकडे नोकरदारांचा मोठा कल दिसून आला. एकूणच लाडक्या बाप्पांच्या स्वागतासाठी नागपूरकर सज्ज झाले असून, आजपासून सुरू होणाऱ्या मंगलमय सोहळ्याने शहरात भक्ती आणि उत्साहाची पाखरण होणार आहे.

महालातील संती गणेशोत्सव मंडळासह शहरातील विविध भागांतील गणेशमूर्ती ढोल-ताशांच्या निनादात शनिवारी दुपारी चितारओळीतून नेण्यात आल्या. रेशीमबागेतील ‘नागपूरचा राजा’चे आगमन रविवारी झाले. हिलटॉप येथील आमदार प्रकाश गजभिये यांच्या मंडळाद्वारे बसविण्यात येणाऱ्या सर्वांत उंच गणपतीची मिरवणूक आज, सोमवारी चितारओळीतून निघणार आहे.

Nagpur News : हायकोर्टाचे विश्वास नांगरे पाटील यांना महत्त्वाचे निर्देश, डीजे प्रकरणावर कोर्टात काय-काय युक्तिवाद?छोटे दुकानदार, विक्रेते आनंदी

पूजेसाठी लागणारी फुले, केवड्याची पाने, कमळ, दूर्वा, तुळस, पत्री तसेच सजावटीच्या साहित्याला चांगली मागणी आहे. प्रसादासाठी पेढे, मोदक यांचीही मोठ्या प्रमाणात खरेदी सुरू आहे. विड्याची पाने, आघाडा-केना, कमळाची फुले, केळीचे खांब, काकडी, कणीस विकणाऱ्या छोट्या विक्रेत्यांमध्ये आनंदाचे वातावरण आहे. गणेशोत्सव आणि ज्येष्ठ गौरी आगमनामुळे पुढील काही दिवस या विक्रेत्यांसाठी व्यावसायिकदृष्ट्या लाभदायक ठरणार आहेत.

लेखकाबद्दलकिशोरी तेलकर किशोरी तेलकर

किशोरी तेलकर महाराष्ट्र टाइम्स ऑनलाइनमध्ये कन्सल्टंट या पदावर कार्यरत आहेत. किशोरी या २०२२पासून मटा ऑनलाइन सोबत जोडलेल्या आहेत. राजकारण, हायपर लोकल स्टोरी, क्राईम बातम्या, महिलांविषयक समस्या, गाव खेड्यातल्या बातम्या करण्याचा त्यांचा अनुभव आहे.

पत्रकारितेतील अनुभव
किशोरी यांना वृत्तपत्र, टीव्ही आणि डिजिटल माध्यमांमधील ६ वर्षांचा अनुभव आहे. किशोरी यांनी सकाळ वृत्तपत्रातून पत्रकारितेला सुरुवात केली. सकाळ वृत्तपत्रात काम करतांना त्यांनी प्रिंट मीडियासोबतच सोशल मीडिया हॅंडलिंग, वेबसाईटचेही काम केलं आहे. सध्या चार वर्षांपासून त्या महाराष्ट्र टाइम्स ऑनलाईनमध्ये कार्यरत आहेत. लेखन कौशल्याच्या जोरावर सामाजिक समस्या, शाळा- कॉलेज विद्यार्थी समस्या, आरोग्य टिप्स, महिलांविषयक प्रश्न, फॅशन, लाइफस्टाइल या विविध विषयांवर त्यांनी बातम्या केल्या आहेत.

शैक्षणिक पात्रता
किशोरी तेलकर यांनी कै. बिंदू रामराव देशमुख कला व वाणिज्य महिला महाविद्यालय, नाशिकरोड येथून एम.कॉम पदवी संपादन केली. त्यानंतर गोखले एज्युकेशन सोसायटीचे एच.पी.टी आर्ट्स अँड आर.वाय.के सायन्स कॉलेजमधून कम्युनिकेशन अँड जर्नलिझम विषयात पदव्युत्तर शिक्षण घेतलं आहे. जर्नलिझमचे शिक्षण घेत असतानाच किशोरी यांनी देशदूत, दिव्यमराठी सारख्या वृत्तपत्रात इंटर्नशिप केलेली आहे. मराठी भाषेवर प्रभुत्व असून हिंदी, इंग्रजी भाषाही त्यांना अवगत आहेत.… आणखी वाचा