व्हिडिओमध्ये काही गावकऱ्यांच्या हातात स्टिक दिसत आहेत, ज्याचा वापर मारहाणीसाठी करण्याचा प्रयत्न होताना दिसत आहे. पोलीस आणि काही स्थानिकांनी अधिकाऱ्यांना वाचवण्याचा प्रयत्न केला, तरीही गावकरी आक्रमक झाल्याचे व्हिडिओत दिसून येत आहेत.
‘तुझी एवढी हिंमत?’, अजित पवार महिला IPS अधिकाऱ्यावर संतापले, दोघांमध्ये संभाषण काय?
उपमुख्यमंत्री अजित पवार आणि आयपीएस महिला अधिकारी अंजना कृष्णा यांच्यातील मोबाईल संभाषणावरून अजित पवारांवर टीकेची झोड उठवण्यात आली. ज्यांनी अजित पवार यांना फोन लावून दिला तो राष्ट्रवादी काँग्रेसचा माढा तालूका अध्यक्ष बाबा जगताप हा अंमली पदार्थांची नशा सेवन करताना व्हिडिओ व्हायरल झाला. त्यानंतर येथील अवैध मुरूम उत्खनन प्रकरणी कारवाईसाठी गेलेल्या महसूल कर्मचार्याला येथील गावगुंड मारहाण करतानाचा नवा व्हिडिओ समोर आला आहे. यामुळे अजित पवार व त्यांच्या समर्थक कार्यकर्त्यांच्या अडचणी आणखी वाढल्या आहेत.

चार दिवसांपूर्वी उपमुख्यमंत्री अजित पवार आणि सोलापूरच्या महिला पोलीस अधीक्षक(IPS अधिकारी) यांच्यात फोनवरुन संभाषण होत असल्याचा व्हिडिओ समोर आला. कुर्डूतील अवैध उत्खननप्रकरणी महिला अधिकारी कारवाईसाठी पोहोचल्या असता हा प्रकार घडला असल्याचे व्हिडिओतून दिसते. यावेळी मुरुमचे उत्खनन करणारे आणि अधिकारी यांच्यात मोठा वाद झाला. उत्खनन करणारे काही जण तेथे लाठ्या काठ्या घेऊन आल्याचे पाहायला मिळाले. यानंतर तेथे उपस्थित राष्ट्रवादी काँग्रेस पक्षाचा कार्यकर्ता बाबा जगताप याने तर थेट उपमुख्यमंत्री अजित पवार यांना फोन केला. त्यानंतर त्याने अधीक्षक अंजली कृष्णा यांच्याकडे फोन सोपवला. अजित पवार यांनी अंजली कृष्णा यांना कारवाई थांबवण्याचे आदेश दिले.

यानंतर मात्र अंजली कृष्णा यांनी पवारांना म्हटले की, माझ्या फोनवर कॉल करुन सांगा.अंजली कृष्णा यांनी सांगितल्यानंतर अजित पवारांना आणखी राग आला. त्यांनी नंबर घेऊन कृष्णा यांना व्हिडीओ कॉल केला आणि त्यांना झापले.