गणेशोत्सवाचे औचित्य साधून दोन्ही बंधूंनी गणपती दर्शन कार्यक्रमाच्या निमित्ताने वैयक्तिक गाठीभेटी सुरु केल्या. याच वेळी पक्षप्रवेश कार्यक्रम घेत आगामी निवडणुकीच्या तयारीचे स्पष्ट संकेत दिले आहेत.

लांजा राजापूर साखरपा मतदारसंघातील ताम्हणे सौंदरकरवाडी व ताम्हाणे वरचीवाडीतील ठाकरे गटातील ताम्हणे सरपंच समीक्षा बावस्कर यांच्यासह ठाकरे गटाचे खंदे समर्थक असलेले ज्येष्ठ शिवसैनिक रवींद्र सावंत, शाखाप्रमुख भाई अडसूळ यांच्यासह ज्येष्ठ शिवसैनिक व कार्यकर्त्यांनी काही ग्रामस्थांनी उद्धव बाळासाहेब ठाकरे पक्षातून शिंदेंच्या शिवसेनेत जाहीर प्रवेश केला आहे.

यावेळी पाचल विभागातील उद्धव ठाकरे गटातील अनेक पदाधिकाऱ्यांनीही प्रवेश केला आहे. उपमुख्यमंत्री व शिवसेनेचे मुख्य नेते एकनाथ शिंदे यांच्या धोरणांवर व आमदार किरण सामंत यांच्या कार्यशैलीवर विश्वास ठेवून या भागातील शेकडो ग्रामस्थांनी शिवसेना पक्षात प्रवेश केल्याची प्रतिक्रिया या पदाधिकारी व कार्यकर्त्यांनी दिली आहे. राजापूर तालुक्यातील पाचल विभागात शिवसेनेत मोठा पक्षप्रवेश झाला असून उद्धव ठाकरे गटाला खिंडार पडले आहे.
Baramati News : भावजय इन नणंद आऊट! बारामतीत शासकीय वैद्यकीय कॉलेजच्या अभ्यागत मंडळावरुन सुप्रिया सुळेंची उचलबांगडी, सुनेत्रा पवार अध्यक्षपदी
पाचल येथे झालेल्या शिवसेना पक्षप्रवेश कार्यक्रमावेळी आमदार किरण सामंत यांनी उपस्थित ग्रामस्थांशी संवाद साधला. “माझ्यावर ज्यांनी ज्यांनी विश्वास ठेवून शिवसेना पक्षात प्रवेश केला आहे, त्या प्रत्येकाच्या विश्वासाला कुठेही तडा जाऊ देणार नाही. पाचलसह संपूर्ण राजापूर तालुक्याचा विकास हा माझा ध्यास आहे. आपल्या सर्वांच्या सोबत काम करताना विकासकामांसाठी निधी कमी पडू देणार नाही,” असा शब्दही त्यांनी ग्रामस्थांना दिला आहे.

44 राजकीय पक्षांना निवडणूक आयोगाची नोटीस, महाराष्ट्रातून नोंदणी रद्द होण्याची भीती
कार्यक्रमाला विधानसभा क्षेत्र प्रमुख राजू कुरूप, तालुकाप्रमुख दीपक नागले, ज्येष्ठ मार्गदर्शक आप्पा साळवी, सुनील गुरव, आरडीसी बँकेचे संचालक मुन्ना खामकर, सुप्रसिद्ध उद्योजक बाबाशेठ भिंगार्डे, शैलेश साळवी, अमर जाधव, आत्माराम सुतार, सरपंच समीक्षा वाफेलकर, रवी सावंत, रमेश चव्हाण, अमित साळवी, मनीष लिंगायत, उदय राणे, संदीप बारसकर, भाई अडसूळ, शिवराम इस्कर तसेच स्थानिक पदाधिकारी, ग्रामस्थ व शिवसेना कार्यकर्त्यांची मोठ्या संख्येने उपस्थिती होती.