मरोळ, शिवाजीनगर येथे राहणाऱ्या इंदूमती कदम (८५) तसेच अन्य एका ८० वर्षीय महिला रुग्णाला उंदराने चावा घेतला. श्वास घेण्यास त्रास होत असल्याने इंदूमती यांना शनिवारी कूपर रुग्णालयामध्ये दाखल करण्यात आले. अतिदक्षता विभागामध्ये उपचार केल्यानंतर, प्रकृतीमध्ये सुधारणा झाल्याने त्यांना मंगळवारी महिलांच्या सर्वसाधारण रुग्णकक्षामध्ये हलविण्यात आले. येथे बुधवारी रात्री त्यांच्या उजव्या हाताला चार ठिकाणी उंदराने चावा घेतला. इंदूमती कदम यांना मधुमेह असल्यामुळे, त्यांच्या शरीरातील संवेदना कमी झाल्याने उंदराने चावा घेतल्याचे त्यांना जाणवले नाही.
मुंबईतील ८४ रस्ते पूर्णपणे बंद; गणेश विसर्जन मिरवणुकीसाठी 4000 वाहतूक पोलिस बंदोबस्त, कसे असेल नियोजन?
इंदूमती यांचा नातू गुरुवारी सकाळी त्यांना बघण्यासाठी आल्यानंतर, ही बाब उघडकीस आली. त्याने परिचारिकांच्या निदर्शनास आणून दिले. डॉक्टर आल्यावर त्यांनी उपचार केल्याचे इंदूमती यांचे जावई संतोष जाधव यांनी सांगितले. शुक्रवारी सकाळी याचीच पुनरावृत्ती घडली. कूपर रुग्णालयात सोमवारी दाखल झालेल्या एका ८० वर्षीय महिलेचाही उंदराने चावा घेतला. या संदर्भात पोलिस ठाण्यात मेडिको-लीगल गुन्हा दाखल केला आहे.
Mumbai Ganesh Visarjan 2025: निरोप घेतो देवा आता आज्ञा असावी…, लाडक्या बाप्पाला आज निरोप; मुंबईतील मंडळे, पोलिसांची सज्जता
‘इंदुमती कदम यांना मधुमेह असून उंदरांनी त्यांच्या हाडापर्यंतची त्वचा कुरतडून खाल्ली आहे. ही जखम बरी झाली नाही, तर त्यांना या वयात त्याचा त्रास सहन करावा लागेल. इतर कोणत्याही रुग्णाला त्रास होऊ नये, यासाठी तरी काळजी घेणार का,’ असा प्रश्न रुग्णांच्या कुटुंबीयांना केला आहे.

बंदोबस्त करा
महापालिका उपायुक्तांनी कूपर रुग्णालयाला गुरुवारी भेट दिली. सात दिवसांमध्ये उंदरांचा बंदोबस्त करावा, असे कडक निर्देश त्यांनी के प्रभागातील पेस्ट कंट्रोल विभागातील अधिकाऱ्यांना दिले. उंदरांना आळा घालण्याचे कंत्राट दिलेल्या कंत्राटदाराला कारणे दाखवा नोटीस बजावण्याचा विचार सुरू असल्याचे वैद्यकीय अधीक्षक डॉ. देव शेट्टी यांनी सांगितले.