या प्रकरणात जखमी किशोर मालोदे (वय ४०, रा. सातारा) यांनी दिलेल्या तक्रारीनुसार, किशोर मालोदे हे एसआरपीएफ ग्रुप १४ मध्ये पोलिस अंमलदार पदावर कार्यरत आहेत. किशोर मालोदे त्यांच्या साडूच्या घराचे बांधकाम सुरू असल्याने २९ जुलै रोजी सकाळी १०.३० च्या दरम्यान त्यांना भेटण्यासाठी गेले होते. या ठिकाणी त्यांचा ओळखीचा व्यक्ती भरत बापू आला. त्याने किशोर मालोदे यांच्याकडे शेजाऱ्याच्या पाण्याच्या जारचे पैसे मागितले. मालोदे यांनी ‘मी तुमचे पैसे देतो,’ असे सांगितले. यानंतर भरत बापू याने आडनाव विचारून पैसे लव्हटे यांच्याकडे असल्याचे सांगितले. मालोदे यांनी संबंधित व्यक्तीला ‘तू नाव विचारून पैसे मागत जा,’ असे सांगितले. मालोदे असे बोलल्यामुळे भरत बापू याने मालोदे यांच्याशी वाद घातला. या वादानंतर बापू ‘तू इथंच थांब मी गुंड घेऊन येतो,’ असे सांगून निघून गेला.
Nagpur Crime: प्रेयसीच्या कुटुंबाचा प्रेमाला विरोध, प्रियकर पोलिसाला घेऊन आला अन्…, नागपुरात संतापजनक प्रकार
किशोर मालोदे यांना भरत बापु याने धमकी दिली. तसेच मोबाइलवर कॉल करून वाहन क्रमांक एमएच २० जीके ७७२७ आणि आय २०च्या एमएच १४ पूर्ण नंबर दिसत नसलेल्या कारमधन सात जण आले. गाडीतून उतरताच एकाने फायटने मालोदे यांच्या तोंडावर मारून जखमी केले. दोन व्यक्तींनी बेल्टने आणि लाथाबुक्क्यांनी मारहाण केली; तसेच त्याच्याकडील चाकूने हल्ला केला. मालोदे यांच्या खिशातील पाच हजार रुपयेही या मारहाणीत काढून घेतले. मारहाण करणाऱ्यांनी जीवे मारण्याची धमकी देऊन भरत बापूसह मारहाण करणारे सातही जण निघून गेले. या घटनेत मालोदे यांच्या नाकाचे हाड मोडले आहे.
Nashik Police: पोलिस दलात खळबळ; बदलीसाठी अंमलदाराकडे ३५ लाखांची मागणी, दोघांविरुद्ध गुन्हा दाखल
घटनेचे व्हिडिओ रेकॉर्डिंग
या मारहाणीचा व्हिडीओ किशोर मालोदे यांच्या साडूच्या बांधकाम साइटवर काम करणाऱ्या मिस्त्रीने रेकॉर्ड केला आहे. या प्रकरणी मालोदे यांच्या तक्रारीवरून त्यांना मारहाण करणाऱ्या भरत बापू, चारचाकी वाहन क्रमांक एमएच २० जीके ७७२७ आणि चार चाकी वाहन आय २० क्रमांक एमएच १४ (पूर्ण नंबर माहिती नाही), अन्य पाच जणांच्या विरोधात सातारा पोलिस ठाण्यात गुन्हा दाखल करण्यात आला आहे. या प्रकरणाचा तपास पोलिस उपनिरीक्षक एकीलवाले हे करीत आहे.