यासंदर्भातील निवेदन करताना शेलार म्हणाले की, शेकडो वर्षांची घरगुती गणेशोत्सव परंपरा व अनेक वर्षापासूनची सार्वजनिक गणेशोत्सव परंपरा म्हणजे महाराष्ट्राच्या सांस्कृतिक व सामाजिक समरसतेचे मानबिंदूच आहेत. याच मानबिंदूचे महत्त्व व ओळख संपूर्ण जगभर व्हावी, आपल्या परंपरेची आधुनिकतेशी सांगड व्हावी सामाजिक व सांस्कृतिकदृष्ट्या महत्त्वाचे असणारे गणेशोत्सव हे व्यासपीठ आणखी बळकट व्हावे, गणेशोत्सवासंबंधी सर्व घटक एकत्र जोडले जावेत, पर्यटन वाढावे, आपल्या समृद्ध परंपरा रितीरिवाजांचे जतन-संवर्धन व्हावे आणि महाराष्ट्राचे स्थान जगाच्या नकाशावर आधारित व्हावे यासाठी गणेशोत्सव हा राज्य महोत्सव म्हणून साजरा करण्याचे महाराष्ट्र शासनाने ठरवले आहे.
Mumbai Local Mega Block: मुंबईकरांचा खोळंबा! रविवारी तिन्ही रेल्वेमार्गावर मेगाब्लॉक, कोणत्या लोकल रद्द? पाहा Timetable
यावर्षी गणेशोत्सवात महाराष्ट्र सरकारचा सहभाग असणार असून यासाठी एक बोधचिन्हाचे अनावरण करण्यात येणार असल्याची घोषणाही शेलार यांनी केली. संपूर्ण राज्यभर सांस्कृतिक कार्यक्रमांचे आयोजन करण्यात येईल. महाराष्ट्राची कला व संस्कृती आणि परंपरांचे दर्शन या कार्यक्रमांतून घडेल. हे कार्यक्रम फक्त महाराष्ट्रातच नाहीतर महाराष्ट्राबाहेर ज्या ठिकाणी मराठी बांधव मोठ्या प्रमाणात आहेत त्या ठिकाणीही आयोजित करण्यात येतील. तसेच मराठी भाषक मोठ्या संख्येने भारताबाहेरील ज्या देशामध्ये आहेत.

तेथेही सांस्कृतिक कार्यक्रमांचे आयोजन करण्यात येईल. व्याख्यानमाला, गणेशोत्सवाच्या निमित्ताने आध्यात्म नाट्यरंग महोत्सवाचेही आयोजन यावर्षीपासून करण्यात येणार आहे. राज्यातील महत्त्वाची मंदिरे आणि सार्वजनिक गणेशोत्सवाचे देखावे यांचे ऑनलाइन दर्शन घरबसल्या व्हावे यासाठी एक पोर्टल निर्माण करण्यात येईल, असेही ते म्हणाले.
शेतकरी कर्जमाफीचे आश्वासन पूर्ण करणार पण…; मुख्यमंत्री देवेंद्र फडणवीसांचं मोठं वक्तव्य
इतर संकल्प

• उत्कृष्ट सार्वजनिक गणेश मंडळ अंतर्गत तालुकास्तरावर स्पर्धेद्वारे विविध पारितोषिके देण्यात येतील.
• घरगुती गणेशोत्सव आणि सार्वजनिक गणेशोत्सवाचे फोटो व्हिडीओ क्लिप्स पोर्टलवर येण्यासाठी एक प्लॅटफॉर्म विकसित करण्यात येईल
• गणेशोत्सवावर आधारित टपाल तिकीट आणि नाणे काढण्यात येईल एका ड्रोन शोचे आयोजन करणार
• या राज्य महोत्सवाची माहिती संपूर्ण देशाभर व्हावी यासाठी वृत्तपत्रे वृत्तवाहिन्या रेडिओ आणि समाजमाध्यमे यांच्या माध्यमातून देशभरात प्रचार प्रसिद्धी करणार
• आंतरराष्ट्रीय आंतरराज्यीय व पर्यटकांना आकर्षित करण्यासाठी विशेष कार्यक्रम उपक्रम हाती घेणार
• पारंपारिक भजन व आरती सादर करणाऱ्या भजनी मंडळांना साहित्य वाटपासाठी अनुदान देणार