मराठी माणसाच्या मुद्यावर विधानपरिषदेत गदारोळ पाहायला मिळाला. विधानपरिषदेत शिवसेना ठाकरे गटाचे आमदार अनिल परब आणि मंत्री शंभूराज देसाई भिडले. घरखरेदीत मराठी माणसाला आरक्षण देण्याच्या मुद्यावरून अनिल परब आणि शंभूराज देसाईंमध्ये खडाजंगी पाहायला मिळाली. मराठी माणसाला घर नाकारण्यांवर कारवाई करू, असे शंभूराज देसाई यांनी सांगितले. मात्र कायदा करा, बडबड नको, असं म्हणत अनिल परबांनी डिवचलं. यानंतर तुम्ही सत्तेत असताना का नाही केलं, असा सवाल देसाईंनी केला.