रोहा तालुक्यातील निवी गावचे पत्रकार समिर बामुगडे यांचे अपहरण झाले. 27 जून 2025 रोजी सकाळी 7:15 च्या सुमारास ही घटना घडली. समिर बामुगडे रोहा-पनवेल बसने पनवेलला कामासाठी आले होते. बस पनवेल आगारात दत्त मंदिरा जवळ थांबली. तिथे दहा-बारा लोकांनी त्यांना घेरले. त्यांनी जेष्ठ पत्रकार, पत्रकार संघटनेचे राज्य प्रतिनिधी किरण बाथम यांना आपण पोहोचत असल्याचे कळवले होते.
Mumbai News : ग्राहकाशी फोनवर बोलताना पाय घसरला, मुंबईत 22 व्या मजल्यावरील स्विमिंग पूलमध्ये बुडून डिलिव्हरी बॉयचा मृत्यू
बामुगडे यांनी सांगितले की, “जबरदस्तीने माझा मोबाईल हिसकावून घेतला. मला त्यांच्या गाडीमध्ये कोंबले.” त्यांना मुंबई-गोवा मार्गाने नेण्यात आले. वाटेत अरविंद काते यांनी त्यांना मारहाण केली. “काते घाणेरड्या शिव्या देत होते,” असे बामुगडे म्हणाले. त्यांना भीमाई मठात नेले. तिथे काही लोकांना बोलावून त्यांच्या बोलण्याचे रेकॉर्डिंग केले गेले. खिशात नोटा टाकून त्याचेही रेकॉर्डिंग केले.
Devendra Fadnavis: अमली पदार्थ तस्करांवर मकोका अंतर्गत कारवाई, मुख्यमंत्री फडणवीसांची घोषणा
बामुगडे यांना खंडणीच्या गुन्ह्यात अडकवण्याचा प्रयत्न झाला. त्यांनी पोलिसांना सांगितले की, “हे सगळे माझा घात करून मला जीवे मारू शकतात. त्यामुळे यांच्यावर अपहरणाचा गुन्हा दाखल करावा.” त्यांनी शहर पोलीस स्टेशनमध्ये तक्रार नोंदवली आहे. पत्रकार संघटनेचे राज्य प्रतिनिधी किरण बाथम यांनीही त्यांना मदत केली. वरिष्ठ पोलीस निरीक्षक नितीन ठाकरे यांनी या प्रकरणाची नोंद घेतली आहे.

दुसरीकडे, पुण्यात एक अत्यंत धक्कादायक घटना घडली आहे. पुण्यातील उच्चभ्रू सोसायटीत राहणाऱ्या 25 वर्षीय तरुणीवर बलात्कार केल्याची धक्कादायक घटना घडल्याचे समोर आले आहे. विशेष म्हणजे बलात्काराच्या घटनेनंतर आरोपीने तिच्याच मोबाईलमध्ये सेल्फीही काढला आणि ‘परत येईन’ असा मेसेज टाईप केला. डिलिव्हरी बॉय असल्याचे सांगत आरोपीने सोसायटीत प्रवेश मिळवला. त्यानंतर तरुणीच्या तोंडावर स्प्रे मारुन दृष्कृत्य केल्याचा आरोप केला जात आहे.