प्राथमिक माहितीनुसार, मुंबईच्या पश्चिम उपनगरात ही घटना घडली असून अभिनेत्री कांदिवली परिसरातील सी ब्रुक येथे वास्तव्यास होती. ती टेलिव्हिजनवरील गुजराती मालिकांमध्ये काम करते. अभिनेत्रीने आपल्या मुलाला ट्युशनला जाण्यास सांगितले. मात्र, त्याला क्लासला जायचे नव्हते. यावरुन दोघांमध्ये वाद झाला. त्यामुळे मुलगा संतापला होता. याच संतापाच्या भरात मुलाने इमारतीच्या 57 व्या मजल्यावर जाऊन खाली उडी टाकली. 57 व्या मजल्यावरुन थेट खाली पडल्याने मुलाचा जागीच मृत्यू झाला. आत्महत्या करणारा मुलगा या दाम्पत्याचा एकुलता एक मुलगा होता. या घटनेमुळे कांदिवली परिसरात एकच खळबळ उडाली आहे.

Bombay High Court : बंडखोर नगरसेवकांना दणका! उच्च न्यायालयाने अपात्रतेची कारवाई वैध ठरवली; स्वत:लाच मत देण्याचा प्रकार भोवला

प्रत्यक्षदर्शींनी सांगितलं की, मुलाने उडी मारल्यानंतर मोठा आवाज झाला. आवाज ऐकून इमारतीमधील रहिवासी जमा झाले आणि त्यानंतर पोलिसांना बोलावण्यात आले. घटनेची माहिती मिळताच पोलीस घटनास्थळी पोहोचले होते. त्यांनी घटनास्थळाचा पंचनामा केला. त्यानंतर पोलिसांकडून याप्रकरणात अपघाती मृत्यूची नोंद करण्यात आली आहे. परंतु, या मुलाने ट्युशनच्या वादातूनच टोकाचं पाऊल उचललं की यामागे इतरही कोणते कारण आहे, याबाबतचा अधिक तपास पोलिसांकडून केला जात आहे.

दरम्यान, या घटनेमुळे अभिनेत्रीच्या कुटुंबीयांना आणि मित्र परिवाराला मोठा धक्का बसला आहे. तसंच टीव्ही इंडस्ट्रीमध्ये हळहळ व्यक्त केली जात आहे.