स्वतःला मुलगी नाही, मात्र हजारो मुलींचा संसार थाटून देणारा हा बाप माणूसचआहे! शिर्डीतील कैलास कोते नावाच्या बाप माणसाची ही गोष्ट आहे. गेल्या 25 वर्षात कोते यांनी सामुदायिक विवाह सोहळ्याच्या माध्यमातून हजारो मुलींचे कन्यादान करत सामाजिक बांधिलकी जपली आहे. यंदा या विवाह सोहळ्याचा रौप्य महोत्सवी वर्ष असल्याने यंदाचा सामुदायिक विवाह सोहळा अधिक थाटात संपन्न झाला. महागाईच्या या काळात फक्त नाम मात्र सव्वा रुपयात लग्न होत असल्याने यंदा 65 जोडपी विवाहबद्ध झाली.