रविवारी दुपारी एक वाजण्याच्या सुमारास मूर्टी परिसरात ही संतापजनक घटना घडली. अण्णा किसन गोफणे (रा. मोराळवाडी ता. बारामती) असे या नराधमाचे नाव आहे. दुपारच्या वेळी ट्रॅक्टर चालक असलेला गोफणे पीडित मुलीच्या घरात घुसला आणि तिच्यावर पाशवी अत्याचार केला. याप्रकरणी पीडितेच्या आईने पोलिसांत धाव घेतली आणि नराधमाविरोधात तक्रार दाखल केली. वडगाव निंबाळकर पोलिसांनी अण्णा किसन गोफणे याच्यावर गुन्हा दाखल केला आहे. पुढील तपास वडगाव निंबाळकर पोलीस करत आहेत.
Raipur News: जंगलात गेला, इन्स्टाग्रामवर लाइव्ह व्हिडिओ अन् अल्पवयीन कबड्डीपटूने आयुष्य संपवलं, दोन दिवसांनी…
याप्रकरणी वडगाव निंबाळकर पोलिसांनी अण्णा गोफणे याच्यावर भारतीय न्यायसंहिता कलम ६५ (२), ३३२ (अ), बाल लैंगिक अत्याचार प्रतिबंधक कायदा कलम ४ (२), ६, अनुसूचित जाती जमाती कायदा कलम ३(१) नुसार गुन्हा दाखल करत त्याला अटक केली आहे. या घटनेने बारामती तालुक्याचा पश्चिम भाग हादरला आहे. तर मुलांच्या पालकांमध्ये संतापाचे वातावरण आहे.

दरम्यान, नांदेड मधूनही अशीच एक घृणास्पद घटना समोर आली होती. ‘तू मला खूप आवडतेस, आय लव यू, माझ्या सोबत चल,’ असं म्हणत आश्रम शाळेतील एका ४० वर्षीय अधीक्षकाने शाळेतील एका अल्पवयीन विद्यार्थीनीचा विनयभंग केला. जिल्ह्यातील बिलोली तालुक्यातून ही घटना घडली होती. कुंडलवाडी शहरातील दौलापूर रस्त्यावर संत गोरोबा प्राथमिक आश्रमशाळेत अधिक्षक पदावर कार्यरत असणाऱ्या गजानन राजूरवाड याने सातवीत शिकणाऱ्या मुलीचा विनयभंग केला. ‘तू मला खूप आवडतेस, आय लव यू, माझ्या सोबत चल’ असे म्हणत ९ एप्रिल आणि ११ एप्रिलला शाळेच्या परिसरात आणि आश्रम शाळेतील रूमध्ये तिला नेले होते. आणि तिचा विनयभंग केला. या प्रकरणाचा तपास उपविभागीय पोलीस अधिकारी प्रशांत संपते करीत आहेत. विद्यार्थीनींसोबत घडणाऱ्या या घटनांमुळे मात्र पालक चिंताग्रस्त झाले आहेत.