राज्यात दररोज एसटीच्या सुमारे १४ हजार बसेसमधून ४५ ते ४८ लाख प्रवाशी प्रवास करतात. विविध सवलती व योजनांमुळे प्रवाशांची संख्या वाढली असली तरीही त्यांना अनेक अडचणींना सामोरे जावे लागत आहे. बसस्थानकातील अस्वच्छ शौचालये, वेळापत्रकाचे उल्लंघन, ठराविक थांब्यांवर न थांबणाऱ्या बसेस, रस्त्यात मध्येच बंद पडणाऱ्या बसेस, चालक-वाहकांची असभ्य वागणूक, ऑनलाइन बुकिंगचे पैसे परत न मिळणे अशा तक्रारी सातत्याने येत आहेत.
प्रवाशांनो कृपया लक्ष द्या! १५ मेपर्यंत ‘या’ स्थानकांवर प्लॅटफॉर्म तिकीटविक्री बंद, मध्य रेल्वेचा मोठा निर्णय
महामंडळाने तक्रारी नोंदविण्यासाठी टोल फ्री क्रमांक, ई-मेल आणि संकेतस्थळ उपलब्ध करून दिले असले तरी तक्रारींकडे दुर्लक्ष केले जात असल्याचे अनेक प्रवाशांचे म्हणणे आहे. अधिकारी उपलब्ध असूनही दखल घेतली जात नसल्यामुळे प्रवाशांमध्ये नाराजी आहे.

महामंडळाने एसटीची गुणवत्ता सुधारण्यासाठी १५ जुलै २०२४पासून ‘प्रवासी राजा दिन’ हा उपक्रम सुरू केला. यामध्ये सोमवारी व शुक्रवारी सकाळी १० ते दुपारी २ या वेळेत प्रवाशांना तक्रारी नोंदवता येतात. मात्र, बहुतांश आगारांमध्ये हा उपक्रम प्रत्यक्षात राबवण्यात आलेलाच नाही. परिणामी, ‘प्रवासी राजा दिन’ हा केवळ कागदावरच राहिला आहे.
Credit Card Fraud: आसाममध्येही ‘जामतारा पॅटर्न’! क्रेडिट कार्डद्वारे बँकेला कोट्यवधींचा गंडा, पाच जणांना अटक
एप्रिल २०२४ ते मार्च २०२५पर्यंतची स्थिती
एकूण तक्रारी : १४,१८०
आपले सरकार पोर्टलवरील : १५९
तक्रारींचे निराकरण: ५१३
संबधित विभागाला पाठविलेल्या तक्रारी : १,२३१
प्रलंबित तक्रारी : १२,४१२

येथे मांडता येतील गाऱ्हाणी
संकेतस्थळ : https://msrtc.maharashtra.gov.in
फोन क्रमांक : १८०० २२१ २५०८EP, 1>
ई-मेल आयडी: gmtraffic@msrtc.gov.in