Vaibhav Naik on Prakash Bidwalkar Murder Case : बीड मस्साजोगचे सरपंच संतोष देशमुख यांच्याप्रमाणेच सिंधुदुर्गात हत्येची घटना घडल्याचा आरोप वैभव नाईक यांनी केला आहे.
कुडाळ तालुक्यातील चेंदवण नाईकवाडी येथील सिद्धिविनायक उर्फ प्रकाश अंकुश बिडवलकर याला ठार मारून सातार्डा येथील स्मशानभूमीत दहन केल्याची कबुली या प्रकरणातील संशयित आरोपींनी दिल्यामुळे या आरोपीविरुद्ध कट रचून खून करून पुरावा नष्ट केल्याचा गुन्हा दाखल करण्यात आला आहे. हा प्रकार २०२३ साली घडून आला आहे. तब्बल दोन वर्षांनी पोलिसांनी या घटनेचा उलघडा केला आहे.
Chhatrapati Sambhajinagar News : बेटा, तू प्रॉमिस केलं आहेस… लेकीसाठी चिठ्ठी लिहून व्यावसायिकाचं टोकाचं पाऊल; परिसरात हळहळ
कुडाळ तालुक्यातील चेंदवण नाईक वाडी येथील सिद्धिविनायक उर्फ प्रकाश अंकुश बिडवलकर याचे अपहरण केल्याप्रकरणी कुडाळ येथील सिद्धेश अशोक शिरसाट, माणगाव येथील गणेश कृष्णा नार्वेकर, सातार्डा येथील सर्वेश भास्कर केरकर आणि कुडाळ येथील अमोल श्रीरंग शिरसाट यांच्याविरुद्ध गुन्हा दाखल करण्यात आला होता. त्यांना १३ एप्रिल पर्यंत पोलीस कोठडी देण्यात आली होती. दरम्यान या पोलीस कोठडीमध्ये पोलिसांनी केलेल्या तपासात घडलेल्या घटनेचा उलगडा झाला.
Pune News : पती शेवटच्या घटका मोजत होता, पत्नीने मोबाईलमध्ये स्टेटस ठेवत संपवलं आयुष्य; पुण्यात एकाच सरणावर दोघांवर अंत्यसंस्कार
आर्थिक व्यवहारावरुन झाली मारहाण
सिद्धिविनायक उर्फ प्रकाश बिडवलकर हा सिद्धेश शिरसाट याच्याजवळ कामाला होता. तो सिद्धेश शिरसाट आणि गणेश नार्वेकर याचे पैसे देणे लागत होता. या रागातून या सर्वांनी त्याला मार्च २०२३ मध्ये चेंदवण येथील त्याच्या घरून गाडीत बसून कुडाळ येथे राहत असलेल्या अमोल शिरसाट यांच्या खोलीमध्ये आणले आणि तिथे त्याला मारहाण करायला सुरुवात केली. या मारहाणीत सिध्दिविनायक बिडवलकर हा गंभीर जखमी झाला होता.
Chhatrapati Sambhaji Nagar News : डोंगरात फेकून देईन..! बांधकाम व्यवसायिकाला विवस्त्र करुन बेदम मारहाण, छत्रपती संभाजीनगर हादरलं
त्याला मारहाण केल्यानंतर ते सर्वजण जेवणासाठी बाहेर गेले. जेवण करून आल्यानंतर त्यांनी सिद्धिविनायक बिडवलकर याला जागं करण्याचा प्रयत्न केला. मात्र त्याला जागं करताना त्यांच्या लक्षात आलं की त्याचा मृत्यू झाला आहे. त्याचा मृत्यू झाल्यामुळे त्यांची पाचावर धारण बसली. आता त्याला ठिकाणी लावलं पाहिजे हे विचार त्यांच्या मनात आले. त्याचा मृतदेह घेऊन ते सातार्डा येथे गेले.
सिद्धिविनायक बिडवलकर याचा मृतदेह सातार्डा येथील स्मशानभूमीत घेऊन जात तिथे त्याचं दहन केलं. दहन झाल्यानंतर ती राख जवळच्या नदीमध्ये टाकून दिली, अशी कबुली या प्रकरणातील संशयित आरोपींनी दिली. त्यांच्या कबुलीवरुन कट रचून, खून करून पुरावा नष्ट केल्याचा गुन्हा चौघांवर दाखल करण्यात आला आहे.
लेखकाबद्दलकरिश्मा भुर्केमहाराष्ट्र टाइम्स ऑनलाइनमध्ये डिजिटल कंटेंट प्रोड्युसर म्हणून कार्यरत. सामना, झी २४ तास, न्यूज १८ लोकमतसह ४ वर्ष पत्रकारिता क्षेत्रातील अनुभव. सामाजिक, मनोरंजन विश्लेषणात्मक लेखनाची आवड.… आणखी वाचा