प्रसिद्ध उद्योगपती मुकेश अंबानी यांच्या पत्नी आणि मुंबई इंडियन्स क्रिकेट संघाच्या मालकीण नीता अंबानी यांनी रविवारी संध्याकाळी शिर्डीत पोहोचून साई दरबारी हजेरी लावली आणि संध्याकाळची धुपारती केली. सध्या मुंबई इंडियन्स क्रिकेट संघाचा आयपीएल मधला परफॉर्मन्स फार चांगला नसल्याने पाच पैकी चार सामन्यांमध्ये त्यांना हार पत्करावी लागली आहे त्यामुळे नीता अंबानी यांनी साई चरणी हजेरी लावत मुंबई इंडियन्सच्या यशासाठी प्रार्थना केली असल्याची माहिती असून येणाऱ्या पुढील काळामध्ये मुंबई इंडियन्स संघाला यश मिळवा अशी प्रार्थना त्यांनी केली असल्याची माहिती आहे. साई बाबांच्या दर्शनानंतर नीता अंबानी मंदिराच्या बाहेर पडत असताना क्रिकेटपटू रोहित शर्माच्या एका चाहत्याने त्यांच्यासमोर येऊन “मॅडम, रोहित को कॅप्टन करो” अशी मागणी केली यावेळी नीता अंबानी यांनी हात जोडत आपलं उत्तर दिलं.