Edited byविमल पाटील | Authored by प्रशांत श्रीमंदिलकर | Lipi | Updated: 9 Apr 2025, 11:53 pm
Ajit Pawar on Supriya Sule : बारामतीच्या खासदार सुप्रिया सुळे यांनी पुण्यातील रस्त्यासाठी केलेल्या उपोषणावर उपमुख्यमंत्री अजित पवार यांनी अप्रत्यक्ष टोला लगावला आहे.
दीनानाथ मंगेशकर रुग्णालय प्रकरणी चौकशीचे आदेश
पुण्यातील दीनानाथ मंगेशकर रुग्णालयात गर्भवती महिलेच्या मृत्यू प्रकरणात डॉ. धनंजय घैसास यांनी राजीनामा दिला असला, तरी त्यांच्यावर गुन्हा दाखल करण्याची मागणी होत आहे. यावर अजित पवार यांनी सावध प्रतिक्रिया देत म्हटलं, ‘चौकशी अहवाल आल्यानंतरच याबाबत निर्णय घेतला जाईल. कधीकधी आरोप झाले तरी राजीनामा द्यावा लागतो, पण कारवाई चौकशीनंतरच होईल.’ या उत्तरातून त्यांनी घैसास यांची पाठराखण केल्याची चर्चा आहे.
‘…तर मीही आमदारकीचा राजीनामा देऊन निवडणुकीला सामोरे जाणार,’ सह्याद्रीच्या निवडणुकीवरुन राजकारण तापले
बीड चोरी प्रकरणी कारवाईचे संकेत
बीड येथील एका कंपनीत चोरी झाल्याच्या तक्रारीबाबतही अजित पवार यांनी भाष्य केलं. ‘या प्रकरणाची चौकशी होईल आणि योग्य ती कारवाई केली जाईल,’ असं त्यांनी स्पष्ट केलं. याशिवाय, इतर अनेक प्रश्नांवरही त्यांनी पत्रकारांशी संवाद साधला.
अजित पवार यांच्या या वक्तव्यांमुळे राजकीय वर्तुळात चर्चांना उधाण आलं आहे. सुप्रिया सुळे यांच्या उपोषणावर त्यांनी व्यक्त केलेली मते आणि दीनानाथ प्रकरणातील त्यांचा पवित्रा यावर आता सर्वांचं लक्ष लागलं आहे.
लेखकाबद्दलविमल पाटीलविमल पाटील, महाराष्ट्र टाइम्स ऑनलाईनमध्ये कंसल्टंट म्हणून कार्यरत आहे. याआधी सामना, आरएनओ वृत्तसंस्थेमध्ये रिपोर्टर म्हणून काम केलं आहे. पत्रकारिता क्षेत्रात तीन वर्षांचा अनुभव आहे. राजकीय आणि विश्लेषणात्मक बातम्या लिहण्याची आवड.… आणखी वाचा