विधान परिषदेचे काँग्रेसचे गटनेते असलेल्या पाटील यांच्यावर पुणे शहराच्या प्रभारीपदाची जबाबदारी देण्यात आली आहे. पाटील यांनी सोमवारी काँग्रेस भवन येथे आढावा बैठक आयोजित करून कार्यकर्त्यांशी संघटनास्तरावर संवाद साधला. या वेळी काँग्रसचे शहराध्यक्ष अरविंद शिंदे, माजी मंत्री बाळासाहेब शिवरकर, रमेश बागवे, ॲड. अभय छाजेड, गोपाळ तिवारी, अजित दरेकर, अविनाथ बागवे, बाळासाहेब मारणे, सौरभ अमराळे आदी उपस्थित होते.

माजी आमदार रवींद्र धंगेकर यांनी नुकतीच काँग्रेसला सोडचिठ्ठी देऊन शिवसेनेत प्रवेश केला आहे. या पार्श्वभूमीवर पाटील यांनी काँग्रेसला सोडून कोणी गेले, तरी नव्याने पक्षाची उभारणी करण्यात येईल, अशी प्रतिक्रिया व्यक्त केली. पाटील म्हणाले, ‘सध्याच्या परिस्थितीची चर्चा करून पुण्यात भविष्यात कुठले प्रश्न हाताळले पाहिजे, यावर बैठकीत चर्चा केली आहे.
Maharashtra Government : ना अर्थ मंत्रालयाची मंजुरी, ना मंत्रिमंडळ-राज्यपालांची; सार्वजनिक बांधकाम विभागाकडून परस्पर नियमबदल?
सध्या महापालिकेवर प्रशासक राज आहे. महापालिका आणि जिल्हा नियोजन मंडळाकडून एकाच कामाची वेगवेगळी बिले काढल्याचे पुढे येत आहे. त्यात गैरव्यवहाराची शक्यता नाकारता येत नाही. आगामी निवडणुका स्वतंत्र लढायच्या, की महाविकास आघाडीच्या माध्यमातून, याचा निर्णय वरिष्ठ पातळीवर घेतला जाईल. मात्र, आता आम्ही संघटनात्मक बांधणी आणि सत्ताधाऱ्यांचा गैरव्यवहार जनतेसमोर आणण्यावर भर देणार असल्याचे पाटील म्हणाले.
Ravindra Dhangekar : हिंदू म्हणजे काय बिकाऊ वाटले का? शिंदेसेनेत जाताच धंगेकरांचा शिवसेना स्टाईल हल्लाबोल
दीनानाथ मंगेशकर रुग्णालयावर कारवाई झाली पाहिजे, ही पक्ष म्हणून आम्ही भूमिका घेतली आहे. रुग्ण आल्यानंतर त्याच्यावर उपचार करणे, हे डॉक्टरांचे प्रथम कर्तव्य आहे. पैसा हा नंतरचा भाग असून, नागरिकांना वेगवेगळ्या योजनांच्या माध्यमातून उपचारांसाठी पैसे देण्यात येतात. पैसा हा महत्त्वाचा भाग राहता कामा नये. या पार्श्वभूमीवर ‘दीनानाथ’वर कारवाई झालीच पाहिजे आणि सरकारही या रुग्णालयास पाठीशी घालेल, असे वाटत नसल्याचे पाटील म्हणाले.