सुरुवातीला वाद, नंतर तरुणावर शस्त्राने हल्ला

याबाबत पोलीस सूत्रांनी दिलेल्या माहितीनुसार, रोहित याची हत्या सोरटेवाडी ग्रामपंचायतच्या हद्दीतील कुलकर्णी चारी ते शेंडकरवाडी रस्त्यानजीक शनिवारी रात्री ११ वाजण्याच्या सुमारास झाली. पोलिसांच्या प्राथमिक तपासानुसार पैशाच्या देवाण – घेवाणीतून सुरुवातीला वाद झाला. हा वाद इतका टोकाला गेला, की धारदार शास्त्राने रोहितवर वार करण्यात आले. हे घाव इतके गंभीर होते, की रोहितचा यात मृत्यू झाला.
Delhi Water Park : दोघांचं लग्न जमलेलं, वॉटर पार्कला फिरायला गेले आणि १५ सेकंदात होत्याचं नव्हतं, काय घडलं?
या प्रकरणी दोन जणांना पोलिसांनी ताब्यात घेतलं आहे. रोहित याच्या नातेवाईकांनी वडगाव निंबाळकर पोलिसांकडे याबाबत फिर्याद दिली असून पोलिसांनी हत्येचा गुन्हा दाखल केला आहे. पुढील तपास सहाय्यक पोलीस निरीक्षक सचिन काळे यांच्या मार्गदर्शनाखाली वडगाव निंबाळकर पोलीस करत आहेत.
Mumbai-Pune Expressway वर एसटीला दररोज दंड, कारण धक्कादायक; आता चालकांच्या वेतनातून होणार दंड वसुली

दरम्यान, बारामती तालुक्यात गेल्या काही महिन्यांपासून कायद्याचा धाक राहिलेला नसल्याने गुन्हेगारी मोठ्या प्रमाणात वाढली आहे. दोन दिवसांपूर्वीच बारामतीत पुण्यश्लोक अहिल्यादेवी होळकर शासकीय वैद्यकीय महाविद्यालयाच्या परिसरात हॉटेलमध्ये बसलेल्या एका तरुणाला बेदम मारहाण करण्यात आली होती. तर शनिवारी रात्री हा प्रकार घडला. शहरात कोयता गॅंग तसंच धमकावण्याचे प्रकार सातत्याने घडत आहेत. या प्रकारावर आजच उपमुख्यमंत्री अजित पवार यांनी तीव्र ना पसंती, नाराजी व्यक्त करत पोलिसांना यावर कठोर कारवाईच्या सूचना दिलेल्या आहेत.