वाडा १९९६मध्ये संरक्षित कारी येथील जेधेचा वास्तव्य

असलेला वाडा पुरातत्त्व विभागाने १९९६मध्ये संरक्षित केला आहे. २०१५मध्ये पुरातत्त्व विभागाने मूळ ढाचा कायम ठेवून त्याचे स्मारक केले. जेधेचा इतिहास पुढच्या पिढीला माहिती होण्यासाठी ट्रस्टमार्फत प्रयत्न सुरू आहेत. त्यासाठी सार्वजनिक प्रादेशिक पर्यटन योजनेंतर्गत निधीची तरतूद आहे.

पाच कोटी रुपये खर्च

येथील सार्वजनिक बांधकाम खात्याने या स्मारकाचा सुधारित आराखडा तयार केला. जिल्हा नियोजन अधिकाऱ्यांनी तो सप्टेंबर २०२४मध्ये पर्यटन संचालनाय, मुंबई यांच्याकडे प्रशासकीय मान्यतेसाठी पाठवला. पाच कोटी रुपये खर्चाच्या या आराखड्यात स्मारकाभोवती तटबंदी करणे, ऐतिहासिक भव्य प्रवेशद्वार, पुरातन वस्तू संग्रहालय, ऐतिहासिक घटनांचे शिल्पदालन, पर्यटकांसाठी निवास व कँटीनची सोय, पार्किंग व्यवस्था आदींचा त्यात समावेश आहे.

‘अरेरावीची भाषा’

जेधे म्हणाले, ‘आराखडा लवकर मंजूर होण्यासाठी पालकमंत्री अजित पवार यांची मुंबईमध्ये भेट घेतली. त्यावर त्यांनी आमदार मांडेकर यांची शिफारस आवश्यक असून, त्यांनी सांगितले तर काम होईल असे सूचित केले. त्यामुळे मुळशी येथे मांडेकर यांची भेट घेतली असता, त्यांनी राजकीय आकस ठेवून बोलायला सुरुवात केली; तसेच अरेरावीची भाषा वापरली. या वेळी’ भाऊ परखांदे, बापूराव परखांदे आदी उपस्थित होते. यावर बोलताना शंकर मांडेकर यांनी आरोप फेटाळून लावलेत.

आरोपांवर मांडेकर काय बोलले?

कान्होजी जेधे यांच्याबद्द मला नितांत आदर आहे. जेधे वे त्यांचे सहकारी माझ्याकडे आले होते.भोरमधील काही स्थानिकांशी बोलून घ्या, मग पाहू असे सांगितले. त्यावर रणधीर यांनी कान्होजींचं छायाचित्र असलेलं निवेदन फाडून पायदळी टाकले. पूर्वजांचा असा अपमान केल्यामुळे मी दोन गोष्टी सुनावल्या. कोणतीही अरेरावी अथवा धमकी दिली नाही, असं आमदार शंकर मांडेकर यांनी म्हटलं आहे.