मयत सरपंच संतोष देशमुख यांच्या मसाजोग गावात आज मुस्लिम बांधवांनी ईद साजरी न करण्याचा निर्णय घेतला. धनंजय देशमुख यांच्या भेटीला मुस्लिम बांधव आल्यानंतर सर्वांना अश्रू अनावर झाले. तसेच मागच्या वेळेची आठवण देखील मुस्लिम बांधवांनी बोलून दाखवली. यावरून गावातील मुस्लिम बांधवांचे संतोष देशमुख यांच्यावरील प्रेम लक्षात येते. मुस्लिम बांधव आणि धनंजय देशमुख यांच्या भेटीचे देखील फोटो समोर आले आहेत. या भेटीत मुस्लिम बांधव आणि धनंजय देशमुख यांना अश्रू अनावर झालेले बघायला मिळत आहे.
Disha Salian प्रकरणात आता पेनड्राईव्हची एन्ट्री, काहीतरी मोठी माहिती समोर येणार?

‘संतोष अण्णा दरवेळेस तुम्ही…’

यावेळी एक पोस्ट वायरल होत आहे. “संतोष अण्णा दरवेळेस तुम्ही मोठ्या उत्साहात आमच्यासोबत ईद साजरी करत होतात आणि तुम्ही या वर्षी हॉलमध्ये मोठी ईद साजरी करायची इच्छा देखील व्यक्त केली होती. दुर्दैवाने आज तुम्ही आमच्यात नाहीत. याचं आम्हाला फार दुःख आहे म्हणून तुमच्या सर्व मुस्लिम बांधवांनी ईद साजरी न करणाचा निर्णय घेतला आहे. समस्त मुस्लिम बांधव मस्साजोग”, असं या व्हायरल पोस्टमध्ये म्हटलं आहे. या पोस्टची सर्वत्र चर्चा होत आहे.