खरंतर दिशा सालियनचा मृत्यू होणं ही वाईट घटना आहे. पण त्यावरुन जे राजकारण, आरोप-प्रत्यारोप सुरु आहेत, यामुळे ही घटना आता वेगळ्या वळणावर जाताना दिसत आहे. या प्रकरणात सत्य काय होतं? याचा खरंच खुलासा होतो का? ते आगामी काळात स्पष्ट होईल अशी आशा आहे. पण या प्रकरणात पेनड्राईव्हच्या एन्ट्रीने नवीन काही खुलासा होणार का? हे पाहणं महत्त्वाचं आहे.

पेनड्राईव्हमध्ये काय असण्याची शक्यता?

मुंबईच्या दोन माजी सहाय्यक पोलीस आयुक्तांनी दिशा सालियनचे वकील निलेश ओझा यांची भेट घेतली आहे. या दोन्ही माजी पोलीस आयुक्तांनी निलेश ओझा यांना दिशा सालियन प्रकरणाशी संबंधित माहिती पेनड्राईव्ह दिला आहे. त्यांच्या भेटीचा देखील फोटो समोर आला आहे. या भेटीवेळी दिशा सालियनचे वडील सतीश सालियनदेखील तिथे होते, अशी माहिती समोर येत आहे.

ए. पी. निपुंगे आणि भीमराज घाडगे या दोन माजी सहाय्यक पोलीस आयुक्तांनी वकील निलेश ओझा यांना पेनड्राईव्ह दिल्याची माहिती आहे. या पेनड्राईव्हमध्ये दिशा सालियन प्रकरणाशी संबंधित माहिती असल्याचा दावा केला जातोय.
Maharashtra Rain : चिंता वाढवणारी बातमी! अनेक जिल्ह्यांना पावसाचा ऑरेंज अलर्ट, ‘अवकाळी’ डोकेदुखी वाढवणार
संबंधित पेनड्राईव्हमध्ये फोटो, व्हिडीओ रेकॉर्डिंग, स्टिंग ऑपरेशन फुटेज आणि इतर महत्त्वाचे दस्तावेज असल्याची चर्चा आहे. हे सर्व पुरावे मुंबईचे तत्कालीन आयुक्त परमबीर सिंह यांच्यासह इतर आरोपींच्या विरोधात असल्याची चर्चा आहे. या पेनड्राईव्हमुळे दिशा सालियन प्रकरणात काही नवे खुलासे होतात का? ते पाहणं महत्त्वाचं आहे.