Daylight Robbery In Darvha city : शस्त्राचा धाक दाखवून गणेश काळबांडे यांच्या पत्नी आणि सासूला बांधून २५ तोळे सोन्याचे दागिने आणि चार लाखाची कॅश(Cash) जबरीने हिसकावून पसार झाले. दरम्यान काळबांडे कुटूंबीयांनी आरडाओरड केला असता, परिसरातील नागरिकांनी धाव घेतली.या घटनेची वार्ता परिसरात पसरताच नागरिकांनी एकच गर्दी केली होती.
काय घडलं नेमकं?
दारव्हा येथील बारीपुरा राम मंदीराजवळ किराणा व्यापारी गणेश काळबांडे वास्तव्यास आहेत. सोमवारी दुपारी १ वाजताच्या सुमारास गणेश काळबांडे यांच्या घरी पत्नी आणि सासु होती. अश्यात अचानक एका स्कॉर्पिओ (Scorpio)वाहनातून उतरत सात दरोडेखोर त्यांच्या घरात शिरले. त्यांनतर शस्त्राचा धाक दाखवून गणेश काळबांडे यांच्या पत्नी आणि सासूला बांधून २५ तोळे सोन्याचे दागिने आणि चार लाखाची कॅश(Cash) जबरीने हिसकावून पसार झाले. दरम्यान काळबांडे कुटूंबीयांनी आरडाओरड केला असता, परिसरातील नागरिकांनी धाव घेतली.या घटनेची वार्ता परिसरात पसरताच नागरिकांनी एकच गर्दी केली होती. दारव्हा पोलीसांनी घटनास्थळ गाठले. उपविभागीय पोलीस अधिकारी व अन्य पोलीस पथकांनी घटनास्थळी भेट दिली.
सिनेस्टाईलने आरोपींना अटक
दारव्हा येथे दरोडा टाकुन पसार झालेल्या दरोडेखोरांना अटक करण्यासाठी जिल्ह्यात सर्वत्र नांकाबंदी करण्यात आली. तसेच स्थानिक गुन्हे शाखेसह अन्य पोलिस पथक विविध ठिकाणी रवाना झाले होते. दरम्यान पोलीस आपल्या मागावर असल्याचे दरोडेखोरांच्या लक्षात आल्यावर त्यांनी शेंबाळपिंप्री(Shembalpimpri) शिवारात आपले वाहन उभे केले. तेथून शेतातून पसार होण्याच्या मार्गावर असताना खंडाळा पोलिसांनी सिनेस्टाईलने पाठलाग करुन आरोपींना जेरबंद केले. यात आरोपी अश्रफ परवेज खान, महेश रामप्रसाद पिंपरणे, आदर्श देवीसिंग बिडला, कार्तीक रमेश डुलकेजा, गणेश शाम कोटूरवार सर्व रा. नांदेड अशी आरोपींची नावे असल्याची प्राथमिक माहिती समोर आली आहे.